د پاکستان له دوو مهمو متحدانو امریکا او چین نیولې د طالبانو تر حکومت او روسیې پورې ګڼو هېوادو پر ایکس او نورو ټولنیزو شبکو د بیانونو په خپرولو سره د پاکستان په پلازمېنه اسلام آباد کې د شیعه ګانو پر جومات مرګونی برید په کلکه غندلی دی.
د امریکا د سنا جرګې د بهرنیو اړیکو کمېټې په خپل وروستي اقدام کې د امریکایي مالیه ورکوونکو پیسو ته د طالبانو د لاسرسي قطع کولو لایحه تصویب کړې ده. خو طالبانو دا رد کړې چې ګواکي د متحدو ایالاتو پیسې یې تر لاسه کړي وي. په عین حال کې افغانستان کې یو شمیر کسان وايی ولس دغو مرستو ته اړ دی.
فرانسپرس خبري آژانس د دوو سرچینو له قوله خبر ورکړی چې وايي، د سوریې حکومت او کرد ځواکونو موافقه کړې چې د دوی ترمنځ شوی اوربند د یوې بلې میاشتې په مخه وغځوي. دې سرچینو په دې شرط خبرې کړي چې هویت به یې نه افشا کېږي.
دافغانستان په تیره شل کلنه جګړه کې د ناټو د ګډون د څرنګوالي په اړه د ټرمپ څرګندونو دبریتانوي سیاستوالو،پخوانیو پوځیانو او لیکوالانو سخت غبرګون را وپاروه. ټرمپ ویلي چې د ناتو د غړو هیوادونو عسکرو د جګړې د لومړۍ کرښې څخه ځانونه لیرې ساتل. بریتانوي سیاستوال دا خبره د متحدینو قربانیو ته سپکاوی ګڼي.
د متحدو ایالاتواو ایران ترمینځ په لوړه کچه کړکیچ په داسې حال کې دوام لري چې د تهران تندلارو واکمنو له خصومت ډکو خبرو ته زور ورکړ او ګواښ یې وکړ چې د حکومت ضد لاریونوالو ته به د اعدام په شمول ترټولو سختې سزاګانې ورکړي.
ټرمپ په دې غور کوي چې ایران کې د لاریون کوونکو د ملاتړ او ددوی د وژل کیدو د مخنیوي لپاره څه ډول غبرګون غوره کړي.
نور راوښيه
