د دواړو هېوادونو ترمینځ د دوه اړخیزې دفاع ستراتیژیک تړون له مخې که په دواړو هېوادونو کې پر یوه هېواد هم بل چا تېری وکړ نو دا به پر دواړو هېوادونو تېری ګڼل کېږي.
په داسې حال کې چې پرغزې ښار د اسراییل د پوځ د عملیاتو په دوام له دې ښاره د خلکو د وتلو بهیرروان دی، اروپایي ټولنې له اسراییل سره د سوداګرۍ د تړون د ځنډولو وړاندیزکړی دی.
نن دوهمه ده چې د غزې پر ښار د اسراییل د پلیو ځواکونو عملیات روان دي. د اسراییل دفاع وزیر یسرایل کاتز په ایکسپاڼه کې لیکلي دي چې د دې عملیاتو هدف د برمته و خوشي کول او د حماس ځپل دي.
اسراییلي ځواکونو د غزې تړانګې پر غزه ښار له درنې هوایي بمبارۍ وروسته د پلیو ځواکونو عملیات پیل کړې دي. د عملیاتو په لومړیو ساعتونو کې د غزې په ښار کې د لسګونو کسانو د وژلو راپورونه خپاره شوې دي. اروپایي ټولنې له دې عملیاتو سره مخالفت کړی دی او خبرداری یې ورکړی دی چې پر اسراییل به بندیزونه ولګوي.
د پاکستان او امریکا د بهرنیو چارو وزیرانو پر سیمه ییزو او نړیوالو چارو خبرې اترې کړې دي. د پاکستان د بهرنیو چارو وزارت د سپټمبر پر ۱۴مه پر ایکس پاڼه په خپاره کړي بیان کې ویلي چې د امریکا د بهرنیو چارو وزیر مارکو روبیو تېره شپه خپل پاکستاني سیال اسحاق ډار ته ټلیفون کړی وو.
وروسته لدې چې اسرائیل تیره اونۍ په دوحه کې د حماس ډلې مشران په نښه کړل او دوحې ته یې خبرداری ور کړ، د عربي او اسلامي هیوادونو مشران د قطر د ملاتړ لپاره په دوحه کې غونډه کوي. دغه برید په خلیج کې د امریکا متحد عربي هیوادونه دیوه ګډ دریځ لپاره سره نږدې کړل.
اوکرایني چارواکي وايی روسیې تیره شپه هم په اوکراین خپلو هوايی بریدونو ته دوام ورکړ. بلخوا مسکو وايي چې په تیرو ۲۴ ساعتونو کې یې سلګونه اوکرایني ډرونونه ویشتلي دي.
اسراییل قطر ته خبرداری ورکړ چې د حماس مشران دې له خپلې خاورې وباسي یا دې ونیسي. تر دې خبرداري وروسته قطر د اسلامي هیوادونو د مشرانو د غونډې د جوړیدو اعلان وکړ او هغه راپورونه یې رد کړل چې له امریکا سره یې د اسراییل په خاطر روابط خراب شوي دي.
وارسا وايي ګڼ شمیر روسي بی پیلوټه الوتکې یې چې تیره شپه په اوکراین باندې دیوه پراخ برید په مهال د ګاونډي هیواد پولنډ هوايي حریم ته ننوتې وې نسکورې کړي دي. په اوکراین کې د روسیې د جګړې دپیل راهیسې دا لومړی ځل دی چې روسي بی پيلوټه الوتکې د ناټو دیوه غړي هیواد هوايی حریم کې دننه ویشتل کیږي.
نور راوښيه
