د پاکستان حکومت د طالبانو د حکومت د رسميت پېژندنې په اړه راپورونه بېبنسټه بللي دي.
د ملګرو ملتونو یو تازه راپور وايي، له ګاونډیو هیوادونو ایستل شوي افغانان چې بېرته طالبانو تر واک لاندې افغانستان ته شړل شوي، د شکنجې، خپلسري توقیف او د جنسیت پر بنسټ د ځورونې له خطر سره مخ دي.
د ملګرو ملتونو د بشري حقونو ځانګړو راپور ورکوونکو له ایران او پاکستان څخه د افغان وګړو د جبري ایستلو لړۍ په کلکه غندلې او خبرداری یې ورکړی چې دا عمل نه یوازې د نړیوالو قوانینو سرغړونه ده، بلکې شړل شوي کسان له جدي خطرونو سره مخ کوي.
د اوکراین پارلمان نن د "پوځي حکومت او عمومي بسیج" قانون د ۹۰ نورو ورځو په مخه وغځوه. دغه قانون کې د جګړې د مهال اقدامات شامل دي او دا یې شپاړسم ځل دی چې موده یې تمدیدېږي. دا په داسې حال کې ده چې د امریکا متحده ایالتونو له اوکراین سره د روسیې په ضد جګړه کې د نوې پوځي مرستې ژمنه کړې ده.
د کردستان د کارګرانو د ګوند یوشمېر وسله والو نن د یوه سیمبولیک اقدام په ترڅ کې د عراق په شمال کې خپلې وسلې وسوځولې. د دې اقدام هدف په ترکیه کې له څو لسیزو راهیسې د پیل شوې جګړې د پای ته رسولو لپاره هڅه بلل شوې ده.
هغه افغان محصلین چې د ترکمنستان د لوړو زده کړو په مؤسسو کې زده کړه کوي، وایي د ځايي محصلینو د تبعیض، بد چلند او آن فزیکي تاوتریخوالي سره مخ دي. دوی په ځانګړي توګه د "سېيتنظرج سېيدي" نومي د ترکمن دولتي روزنیز پوهنتون او د مرو په ولایت کې د دولتي انرژۍ انستیتوت کې له دا ډول پېښو شکایت کړی دی.
په ایران کې مېشت یوشمېر افغان کډوال وايي چې د دوی په وړاندې د پولیسو ناوړه چلند تر څنګ د ځینو عامو ایراني وګړو له خوا تاوتریخوالی هم زیات شوی دی.
د غزې د بشرپالنې بنسټ ویلي چې دوه امریکایي مرستندویه کارکوونکي نن شنبه ( د چنګاښ ۱۴مه) هغه مهال ټپيان شول چې د هغوی لوري ته لاسي بمونه وغورځول شول. دغه بنسټ ویلي، برید په ظاهره د دوو بریدکوونکو له خوا د مرستو د ویش د یوه پروګرام په پای کې شوی دی.
د طالبانو حکومت د راستنېدونکو چارو کمېسیون وايي، یوازې د چارشنبې په ورځ له ایران څخه د هرات د اسلام کلا، نیمروز د ورېښمو پله، له لارو نږدې ۵ زره افغان کډوالې کورنۍ ورستنې شوې دي.
نور راوښيه
