د پاکستان دفاع وزیر وایي، د ګاونډي هند له لوري پوځي یرغل د کشمیر د تیرې اونۍ له خونړي برید وروسته نږدې ښکاري، ځکه چې د دواړو اټومي وسلو لرونکو هېوادونو ترمنځ تاوتریخوالی زیات شوی دی.
د ملګرو ملتونو د ښځو برخې خبرداری ورکړی چې په افغانستان کې د ښځو سیستماتیکې ځپنې د دغه هېواد بشري بحران لاپسې پراخ کړی دی. دې ادارې پر ښځو د طالبانو محدودیتونو زده کړو، روغتیايي خدمتونو، بشري مرستو او په عامه ژوند کې د ښځو د ګډون وړتیا ډېره محدوده کړې ده.
د ملګرو ملتونو د خوړو نړیوال پروګرام ډبیلو ایف پي خبرداری ورکړی چې د افغانستان لرو پرتو سیمو ته د دوی د بشري مرستو د الوتکو د لیږد خدمات ښايي د بودجې د کمښت له امله وځنډول شي. دغه بنسټ اعلان کړی چې په ۲۰۲۵ کال کې د هوا له لارې د مرستو رسولو لپاره ملیونونو ډالرو بیړنۍ مرستې ته اړتیا لري.
د افغانستان د بېلابېلو ولایتونو یو شمېر ځوانان وایي، سره له دې چې د پسرلي موسم دی او د هېواد اکثره سیمې شنې او مېله ځایونه زرغون شوي خو رواني اقتصادي ستونزې یې د مېلو او منظرو مخه نیسي.
د افغانستان د سولې لپاره د امریکا د پخوانی استازی زلمی خلیلزاد تر څرګندونو ورسته د سیاسي او امنیتي چارو یو شمېر افغان شنونکي هم ادعا کوي چې د داعش په ګډون بیلابیلې ترهګرې ډلې په پاکستان کې خوندي ځایونه لري او هلته روزنه ورکول کیږي.
له پاکستانه افغانستان ته د ځینو راستنو شویو کورنیو ښځې او نجونې چې د کډوالو په پنډغالو او خیمو کې اوسېږي، وایي هېڅ ډول روغتیایي اسانتیاوې ورته نه دي برابرې شوي. ځوانې نجونې بیا شکایت کوي چې د میاشتنۍ دورې پر مهال له سختو ننګونو سره مخ وي.
په ایران کې له پرونۍ زوروې چاودنې وروسته سیمه کې بیړنی حالت اعلان شوی او لا هم د اوروژنې او ژغورنې هڅې روانې دي.
د پاکستان صدراعظم شهباز شریف وايي، د افغانستان واکمنانو ته یې واضح پیغام ورکړی، چې تر هغو له کابل سره سوله ییزې اړیکې نهشي ټینګولی، څو چې په خبره یې د دغه هېواد خاوره د پاکستان پر ضد کارول کېږي.
نور راوښيه
