د طالبانو د حکومت د اطلاعاتو او فرهنګ وزارت په یوې نوې تګلارې سره، په افغانستان کې له رسنیو غوښتي چې د خپلو سیاسي پروګرامونو لنډیز او د شنونکو لېست تر خپرېدو مخکې له دغه وزارت سره شریک کړي.
د ملګرو ملتونو د خوړو او کرنې ادارې خبرداری ورکړی چې د افغانستان له شمالي، شمال ختیځو او شمال لوېدیځو سیمو نه شدیده وچکالي د هېواد نورو سیمو ته د خپرېدو په حال کې ده.
د طالبانو حکومت د راستنېدونکو چارو کمېسیون وايي، یوازې د چارشنبې په ورځ له ایران څخه د هرات د اسلام کلا، نیمروز د ورېښمو پله، له لارو نږدې ۵ زره افغان کډوالې کورنۍ ورستنې شوې دي.
له ایرانه یو شمیر تازه شړل شوي افغان کډوال وايي، د شتمنیو یوه برخه یې، په ځانګړي ډول د کورونو لپاره ورکړل شوې مخکینۍ (پیشکي) پیسې یې لا هم په ایران کې پاتې دي.
په اروپا کې په دې شپو ورځو کې هوا ډېره توده شوې ده. په ایټالیا کې د هوا د تودېدو له کبله یو تن مړ شوی دی. د ایټالیا په ځینو برخو کې حکومت په هغو بازارونو کې چې په آزاده هوا کې فعالیت کوي د خلکو پر کار ممنوعیت لګولی دی او په فرانسه کې ښوونځي بند شوي دي.
په افغانستان کې د ملګرو ملتونو د ماشومانو وجهي صندوق (یونیسف) وايي له ایرانه د افغان کډوالو د ستنونې په بهیر ۵ زره ماشومان له کورنیو پرته په جبري ډول افغانستان ته ستانه کړل شوي دي. یو شمېر ماشومان چې له کورنیو پرته له ایرانه ایستل شوي وايي ایراني پولیسو ورسره ناوړه چلند کړی دی.
نور راوښيه
