یو شمېر افغان سیاسي کارپوهان وایي د طالبانو د حکومت پنځه کلن پروګرام د خلکو بېړنیو اړتیاوو او د هېواد پایښتي ودې ته ځواب نه شی ویلی.
په پاکستان کې میشت یو شمېر افغان کډوال وايي پاکستاني حکومت په وروستیو کې د دوی د ویزو د تمدید غوښتنې له کوم واضح دلیل پرته رد کړي چې له امله یې دوی د پولیسو د نیولو او ځورولو سره مخ دي.
ډونالډ ټرمپ، د امریکا متحده ایالاتو ولسمشر، څلور کاله وړاندې د کابل د هوايي ډګر مخې ته د شوي ځانمرګي برید چې په کې د ۱۳ امریکایي سرتېرو په ګډون لسګونه کسان وژل شوي وو، د امریکا په تاریخ کې "تر ټولو بد ورځ" وبلله.
WHO وايي افغانستان ته ستنیدونکي کډوال په روغتیايي برخه کې له جدي ننګونو سره مخ دي. دغه سازمان خپل پروني راپور کې وویل په سرحدي سیمو کې د اړینو درملو او ښځینه کارکونکو کمښت،د رواني ناروغانو د بېلولو لپاره د مناسبو ځایونو او د اجتماعي ملاتړ نشتوالی د ستنېدونکو په وړاندې لا هم لویې ننګونې دي.
د ملګرو ملتونو د بشري استوګنې پروګرام (UN-Habitat) خبرداری ورکړی چې افغان راستنیدونکي نه شي کولای د خوندي سرپناه پرته خپل ژوند بیا جوړ کړي. دې ادارې د یکشنبې په ورځ د اګست په ۲۴ مه په خپله ایکس پاڼه ټینګار کړی چې د استوګنځای پرته بېرته ادغامېدل ناممکن دي.
د ایران د حکومت مشر علي خامنه ای دیکشنبې په ورځ خپلو ملاتړو ته په وینا کې له متحده ایالاتو سره مستقیمې خبرې رد کړې او پر هغو کسانو یې انتقاد وکړ چې د دواړو هیوادونو د اړیکو رغول غواړي .
د اوکراین ولسمشر ولودیمیر زیلینسکي د یاد هیواد د خپلواکۍ د ورځې په مناسبت وینا کې وویل چې د مسکو په وړاندې روانه جګړه به ونه بایلي. دا په داسې حال کې ده چې د جنګ په ډګر کې نويو پرمختګونو سره همهاله ددغې درې کلنې جګړې د پای ته رسولو لپاره ډیپلوماتیکو هلوځلو هم زور اخیستی دی.
نور راوښيه
