د دواړو هېوادونو ترمینځ د دوه اړخیزې دفاع ستراتیژیک تړون له مخې که په دواړو هېوادونو کې پر یوه هېواد هم بل چا تېری وکړ نو دا به پر دواړو هېوادونو تېری ګڼل کېږي.
د اسلامي علومو یو شمیر افغان پوهان وايي، د افغانستان بېلابیلو ولایتونو کې، منکراتو نه د مخنیوي په نوم د طالبانو حکومت له خوا د نوري فایبر پر خدمتونو بندیز هیڅ ډول شرعي اصل نه لري. دوی وايي په افغانستان کې د نوري فایبر د انترنیت په بندولو کې له ګټې تاوان ډیر دی.
د بشري حقونو او د رسنیو او خبریالانو یو شمېر ملاتړو بنسټونو د طالبانو لخوا د افغانستان په یو شمېر ولایتونو کې د نوري فایبر بندولو ته غبرګونونه ښودلي دي. دغو سازمانونو د بیانونو په خپرولو، د طالبانو دا اقدام د "خلکو د غږ د خاموشولو او د دوی د جرمونو د پټولو" هڅه بللې ده.
د ملګروملتونو د سرمنشي په درې میاشتنی راپور کې چې د چهارشنبې په ورځ په نیویارک کې د ملګرو ملتونو د امنیت شورا په غونډه کې وړاندې کړ، د افغانستان د بشري حقونو وضعیت لا هم د اندېښنې وړ بللی شوی.
په داسې حال کې چې پرغزې ښار د اسراییل د پوځ د عملیاتو په دوام له دې ښاره د خلکو د وتلو بهیرروان دی، اروپایي ټولنې له اسراییل سره د سوداګرۍ د تړون د ځنډولو وړاندیزکړی دی.
د ملګرو ملتونو امنیت شورا نن، چهارشنبه د کابل په وخت د ماښام په شپږ نیمو بجو د افغانستان د وضعیت په اړه د یوې ځانګړې ناستې کوربه توب کوي.
د طالبانو حکومت له تېرې ورځې راهیسي له بلخ وروسته په کندهار، هرات، ارزګان، نیمروز، بغلان، تخار او کندز کې هم د نوري فایبر انټرنیټي خدمتونه بند کړي دي.
په پاکستان کې په دې وروستیو کې د سختدریځو وسله والو د خونړیو بریدونو له زیاتوالي سره د هغه هیواد صدراعظم شهباز شریف یوځل بیا په افغانستان کې د طالبانو پر حکومت غږ وکړچې د پاکستان په وړاندې دې یوه لاره غوره کړي، یا دې له اسلام آباد سره ودریږي یادې هم د ده په وینا له ترهګرو سره.
نن دوهمه ده چې د غزې پر ښار د اسراییل د پلیو ځواکونو عملیات روان دي. د اسراییل دفاع وزیر یسرایل کاتز په ایکسپاڼه کې لیکلي دي چې د دې عملیاتو هدف د برمته و خوشي کول او د حماس ځپل دي.
ملګرو ملتونو له جنیوا څخه د IOM د افغانستان د برخې مشرې، می هیونګ پارک یوه ویډیو خپره کړې چې پکې ټینګار کوي چې د ګاونډیو هېوادونو له لوري د کډوالو جبري ستنول، د اقلیمي بدلون له امله وچکالي او د مرستندویو بنسټونو لپاره د بودجې کموالی د افغانستان درې سترې ننګونې دي.
د تهران والي له ایرانه د غیر قانوني افغان کډوالو د ایستلو د دوهم پړاو د پیل اعلان کړی دی. د ایران مهر خبري اژانس راپور ورکړی چې محمد صادق معتمدیان د سپټمبر په ۱۵ مه د تهران په پیشوا ولسوالي کې د یوې غونډې پرمهال وویل چې د افغان کډوالو د ستنولو مسله په جدي ډول تعقیبږي.
اسراییلي ځواکونو د غزې تړانګې پر غزه ښار له درنې هوایي بمبارۍ وروسته د پلیو ځواکونو عملیات پیل کړې دي. د عملیاتو په لومړیو ساعتونو کې د غزې په ښار کې د لسګونو کسانو د وژلو راپورونه خپاره شوې دي. اروپایي ټولنې له دې عملیاتو سره مخالفت کړی دی او خبرداری یې ورکړی دی چې پر اسراییل به بندیزونه ولګوي.
نور راوښيه
