په کابل کې د انتاني روغتون مسولان وایي چې سږ کال د کانګو پیښې تېر کال ته په کتو لس تر پنځلس فیصدو پورې زیاتې شوې دي. دا ناروغي د یوې کنې په وسیله انسانانو او څارویو ته انتقالیږي چې که په وخت یې تشخیص او درملنه ونه شي، وژونکې ده.
سپینه ماڼۍ وايي چې د منځني ختیځ لپاره د ولسمشر ټرمپ ځانګړي استازي سټیو ویټکوف ایران ته یو مفصل او د منلو وړ وړاندیز کړی دی چې ولسمشر هیله لري تهران به یې ومني.
د حج مراسمو ته تللي یو شمېر افغان حاجیان وايي چې منی او عرفات ته به د حاجیانو د لېږد لړۍ نن شپه پیل شي. دوی له مسئولینو غواړي چې ډیر عمر لرونکو او کمزورو حاجیانو ته د حج د مراسمو ښه او اسانه لاره برابره کړي.
د کډوالو نړیوال سازمان ( IOM) په یو راپور کې چې پرون یې خپور کړی، ویلي چې یوازې په تیرې میلادي میاشت کې یې ایران نه د ۱۵ زرو نه د زیاتو افغان کورنیو ستنیدل ثبت کړي دي. په ورته وخت کې، یو شمېر افغانان هم وایي چې په دې وروستیو کې له خپلو کورنیو سره یو ځای له ایران څخه ایستل شوي دي.
د پوليسو ځينې سرچيني وايي چې د ثناء يوسف په وژلو کې لاس لرونکی یو مشکوک کس يې په فيصل آباد کې نيولې دی چې پخپله هم يو ټک ټاکر دی. د ثناء يوسف مور ویلي چې هغې ته هيچا هم په ټولنيزو رسنيو فعاليت کولو په وجه اخطار نه و ورکړی او کورنۍ يې د چا سره دښمني هم نه لري.
راپورونه وايي اسرائیلي ځواکونو یو ځل بیا د بشري مرستو د ویش مرکز ته نږدې فلسطینیان وژلي دي. داسرائیلو اردو وویل چې د مشکوکو کسانو لورته یې ډزي کړي دی خو دغو مراکزو ته یې د خلکو د ورتګ مخه نه دی نیولې .
د افغانستان لپاره د ملګرو ملتونو ځانګړي راپور ورکونکي ویلي چې په افغانستان کې د طالبانو له لوري په روان ۲۰۲۵ کال کې د علني بدني سزاګانو پلی کول د پام وړ زیات شوي دي او دا چې دا اقدامات باید سمدستي ودرول شي.
د امریکا د متحد ایالتونو ولسمشر ډونالډ ټرمپ ټینګار وکړ چې له ایران سره په احتمالي اټومي تړون کې به د یورانیمو غني کولو ته اجازه ورنکړل شي.
د هلمند په سرحدي سیمه بهرامچه کې د طالبانو او د پاکستان پوله ساتو ځواکونو څو ورځنۍ نښتې کړي او له تېرې شپې راهیسې دغه جګړه دریدلې ده. ځایي اوسیدونکي وایي چې جګړې عام خلک بې ځایه کړي او حالات لا هم ترینګلي ښکاري.
«ای او ایم» تېره ورځ د یو نوي راپور په خپرولو زیاته کړې چې د می میاشتې له ۱۸مې تر ۲۴مې پورې له ایران او پاکستانه له ۱۰۴ زرو زیات کسان خپل هېواد ته ستانه شوي دي.
اوکراین په یوه بي ساري اقدام سره د روسیې په څو سیمو د ډرون بریدونه کړي چې په پایله کې یې د روسیې تر ۴۰ بم غورځوونکې الوتکې ویجاړې شوي.
نور راوښيه
