ننگرهار کې د طالبانو حکومت د والي مطبوعاتي دفتر وایي چې د سې شنبې د ورځې، د میزان د لومړۍ نېټې د ماسپښین ورسته زلزله کې ۱۵ کسان ټپیان شوي دي. دغې ادارې په خپله ایکس پاڼه ( پخواني ټویټر) لیکلي چې ټپیان حوزوي روغتون ته انتقال شوي او روغتیایي حالت یې د قناعت وړ دی.
د امریکا ولسمشر ډونالډ ټرمپ وویل چې اوکراین کولای شي د خپلو اروپایي متحدینو په مرسته له روسیې ټولې نیول شوې سیمې بیرته ونیسي.
ملګري ملتونه وايي، د اشاریی ژبو نړیواله ورځ د ژبني هویت د ساتنې او دغه شان د کڼو او ګونګیانو د ملاتړ یو ځانګړی فرصت او فرهنګي رنګارنګي ده. خو په افغانستان کې د دغه معلولیتونو درلودونکو یو شمیر کسانو د کورنۍ غړي او استادان وایي، دا مهال د ګڼو نورو ننګونو تر څنګ له ښوونیزو ستونزو سره مخ دي.
د امریکا متحد ایالتونه هڅه کوي چې د منځنۍ اسیا له یوشمیر هیوادونو سره اقتصادي اړیکي پراخ کړي. په دې ترڅ کې د قزاقستان او ازبکستان ولسمشرانو له امریکایانو سره په نیویارک کې د میلیارډونو ډالرو په ارزښت تړونونه لاسلیک کړې دي.
د تورخم دروازه د هر ډول تګ راتګ لپاره بېرته پرانستل شوه. افغان طالبان وایي چې پاکستاني لورې دا لاره په خپل سر بنده کړې وه او بیرته یې پرانیستې ده.
د ننګرهار ولایت د طالبانو د حکومت د اطلاعاتو او کلتور ریاست اعلان کړی چې د تورخم دروازه د "نامعلومو دلایلو" له امله د مسافرو پر مخ تړل شوې ده. د وروستي ځل لپاره دغه لار د روان لمریز کال په پسرلي کې تړل شوې وه چې شاوخوا یوه میاشت یې دوام وکړ.
نړیوال بانک د اګسټ میاشتې په راپور کې په دې وضعیت اندېښنه ښودلې او ویلي یې دي چې د افغانستان اقتصاد له بېلابېلو ننګونو سره چې یو په بل پسې پېښېږي، مخ شوی دی.
د روغتیا نړیوال سازمان وايي په افغانستان کې ۴۳ سلنه مړینې د زړه، شکر، سرطان او تنفسي ناروغیو له امله پېښیږي. دغه سازمان تازه "په افغانستان کې د غیر ساري ناروغیو پټه وبا" په نوم په یوه راپور کې وړاندوینه کړې چې تر ۲۰۳۰ پورې به د دې ناروغیو له امله د مړینو کچه ۶۰ سلنه ته ورسیږي.
په افغانستان کې دننه او له هېواده بهر یو شمېر افغانان وایي، د نوري فایبر انټرنیټي خدمتونو بندېدو یې له کورنیو او خپلوانو سره اړیکو او مکالمو کې خنډ او ځنډ رامنځته کړی.
نور راوښيه
