ملګرو ملتونو په افغانستان کې د چاپیریال د خرابوالي او د اقلیم د بدلون د پایلو په اړه خبرداری ورکړی او ویلي یې دي چې د شنه ځایونونشتوالی د افغانانو روغتیا له خطر سره مخ کوي. دا سازمان د افغانستان په لرې پرتو سیمو کې د پلاستیکي کڅوړو د تدریجي زیاتوالي په اړه اندیښنه څرګندوني.
د اوکراین په شمال کې د روسیې له تازه هوايي بریدونو وروسته، د اوکراین ولسمشر ولادیمیر زیلینسکي یو ځل بیا په نړیواله ټولنه غږ وکړ چې "له ټولو لارو چارو کار واخلي" ترڅو پر مسکو فشار راوالي چې اوربند ته غاړه کیږدي.
د امریکا ولسمشر له راتلونکې اونۍ امریکا ته د افغانستان په ګډون د ۱۲ هېوادونو د وګړو پر ورتګ بندیز او یا هم محدودیت ولګاوه. ډونالد ټرمپ پرون چهارشنبې د یو فرمان په لاسلیک کولو سره امریکا ته د دغو هېوادونو د وګړو پر ورتګ د محدودیت دلیل د امریکا د امنیت، ګټو او خلکو ساتنه ښودلې ده.
واشنګتن د اوکراین او روسیې ترمنځ د جګړې پراخیدو ته وروسته تر دې اندیښنه ښکاره کړه چې اوکرایني ډرون الوتکو د اونۍ په پيل کې د روسیې په شمال کې په یوشمیر هوایي ډګرونو کې هغه الوتکې په نښه کړې چې د اټومي وسلو د لیږدیدو وړتیا لري.
د جرمني له کولن ښار څخه نن د جون( ۴) په زرګونو کسان د خپلو کورونو پریښودو ته اړ ایستل شوې دي. چارواکو له دې کسانو وروسته تر دې وغوښتل چې کورونه پریږدي چې هلته درې بمونه کشف شول او د دې بمونو د خنثی کیدو لپاره دې کسانو خپل کورونه پرې ایښې دي.
د اسټرالیا ملبورن پوهنتون د یو شمیر هغو افغان نجونو لپاره د انلاین زده کړو پروګرام پیلوي چې د حقوقو په برخه کې یې زده کړې نیمګړې پاتې شوي دي. ملبورن پوهنتون ویلي دا پروګرام به د نجونو لپاره د مور یا ماید په نوم یو تعلیمي بنسټ سره پیلوي.
په کابل کې د انتاني روغتون مسولان وایي چې سږ کال د کانګو پیښې تېر کال ته په کتو لس تر پنځلس فیصدو پورې زیاتې شوې دي. دا ناروغي د یوې کنې په وسیله انسانانو او څارویو ته انتقالیږي چې که په وخت یې تشخیص او درملنه ونه شي، وژونکې ده.
سپینه ماڼۍ وايي چې د منځني ختیځ لپاره د ولسمشر ټرمپ ځانګړي استازي سټیو ویټکوف ایران ته یو مفصل او د منلو وړ وړاندیز کړی دی چې ولسمشر هیله لري تهران به یې ومني.
د حج مراسمو ته تللي یو شمېر افغان حاجیان وايي چې منی او عرفات ته به د حاجیانو د لېږد لړۍ نن شپه پیل شي. دوی له مسئولینو غواړي چې ډیر عمر لرونکو او کمزورو حاجیانو ته د حج د مراسمو ښه او اسانه لاره برابره کړي.
نور راوښيه
