د لیونل میسي مخه پرون ډب شوه. ده د خپل هیواد ارجنټاین لپاره د پیرو په وړاندې لوبه کوله. دا مسابقه نړیوال جام ته د لارې موندلو په خاطر وه. په بوینس ایریس کې پرته له کوم ګوله د لوبې انجام د ارجنټاین لپاره سخته ضربه ده، خو پیرو ته یې خوښۍ ورپه برخه کړې
د "بخښنې نړیوال سازمان" له اروپایي هېوادونو افغانستان ته د نېږدې ۱۰ زره کډوالو ستنولو ته اندېښنه څرګنده کړه. د افغانستان لپاره د دې سازمان څېړونکې حوریه مصدق وایي، د افغانستان وضعیت د دغو کډوالو لپاره مساعد نهدی.
رکس ټېلرسن په واشنګتن کې د چهارشنبې په ورځ د پاکستان د بهرنیو چارو وزیر سره تر کتنې رسنیو ته وویل چې متحده ایالات د پاکستان د حکومت د راتلونکې ته اندېښنه لري.
ښاغلي متیس پرون د امریکا د سنا جرګې د پوځي خدماتو کمېټې ته په یوه بیان کې وویل چې د افغانستان لپاره د ولسمشر ډونالډ ټرمپ نوې سټراټيژي په جنوبي اسیا کې د ثبات د رامنځته کولو غوره تګلاره وړاندې کوي.
جرارد پیکې چې د کاتالونیا دی په ټولپوښتنه کې یې د خپلواکۍ لپاره رایه ورکړې او اوس له ملي ټیم نه د وتلو له خطر سره مخ دی. په دې اړه ویډیويي راپور صفي الله ستانکزي جوړ کړی.
په کُردستان کې به چې د عراق خودمختاره سیمه ده، سبا دوشنبه له عراقه د بشپړې خپلواکې د اعلان په اړه ټولپوښتنه وشي. د عراق د دې سیمې سیاسي مشرانو ویلي چې د سیمې او نړۍ په کچه له مخالفتونو سره-سره به د کُردستان د خلکو نظر واخېستل شي.
ولسمشر غني نړيوالې ټولنې ته د سې شنبې په ورځ د وينا پر مهال وويل چې پر طالبانو او پاکستان ږغ کوي چې د سولې د مذاکراتو برخه شي. ولسمشر غني همداراز د افغانستان په اړه د امریکا د نوي ستراتيژۍ هرکلی وکړ. ويډيو اډيټ: ملالۍ بشير
په کندهار کې د شاوخوا ۴۸۰ هغه پولیسو څخه چې دولسم ټولګی يې لوستی وو د لوړو زدهکړو لپاره ازموینه واخېستل شوه.
د امریکا متحده ایالتونو په فلوریډا ایالت کې د ایرما توپان قوت یوې درجې ته راکم شوی دی. لومړی د دغه سمندري توپان قوت پنځه درجې بلل شوی و. یو تن پرون په دې توپان کې وژل شوی دی. صفي الله ستانکزي په دې اړه ویډيويي رپوټ جوړ کړی دی.
د امریکا متحده ایالتونو ولسمشر ډونالډ ټرمپ او مېرمن یې میلانیا ټرمپ د ۲۰۰۱ کال د سپټمبر د یوولسمې حملې د قربانیانو د درناوي مراسم ونیول. دوی په سپينه ماڼۍ کې د یادې حملې د قربانیانو د کورنیو غړي هم ور بللي و. صفي الله ستانکزي په دې اړه یو ویډیويي رپوټ جوړ کړی دی.
د پښتو ژبې نومیالی لیکوال او خبریال استاد سعد الدین شپون د سېپټېمبر پر ۱۰مه د ۸۴ کلونو په عمر ومړ. دی د ځانګړي سبک خاوند لیکوال او د کابل او د ډېنمارک د کوپنهاګن پوهنتون پخوانی استاد او د امریکا غږ راډیو خبریال و. شپون له ډېرو کلونو راهیسې د امریکا په وېرجینیا ایالت کې اوسېد.
د چین د بهرنیو چارو وزیر وانګ يې د جمعې په ورځ په پیکنک کې له خپل پاکستاني سیال خواجه اصف سره د کتنې پر مهال د ترورېزم وړاندې د پاکستان د مبارزې ستاینه وکړه. وانګ يې او خواجه اصف اعلان وکړ چې ډېر ژر به د افغانستان په ګډون درې واړه هېوادونه درې اړخېزې خبرې اترې پیل کړي.
نور راوښيه
