د خوست د زڼغوزیو کاروباریان وايي حاصل یې ډېر خو ګټه یې کمه ده
د افغانستان په خوست ولایت کې د زڼغوزیو (جنغوزي، زڼغوځي، ځڼغوزي، جلغوزي هم بلل کېږي) کاروباریان وايي د تېر کال پرتله یې سږ کال حاصلات دوه برابره زیات دي خو د بیو د ټیټوالي له وجې له تاوان سره مخامخ دي. دوی د طالبانو له حکومته غواړي چې له بېلابېلو هېوادونو سره د زڼغوزیو تجارت پیل کړي. طالب چارواکي وايي، له چین سره په صادراتو کې اسانتیا پیدا شوې او افغان سوداګر په خورا کمه بیا هلته زڼغوځي لېږدولای شي. په دې اړه ویډیويي رپورټ وګورئ.