له پاکستانه کونړ ته ستانه شوي کډوال زلزلې اغېزمن کړي دي
د افغانستان کونړ ولایت ته له پاکستانه ستنې شوې کورنۍ وايي د پاکستان د حکومت په امر یې کډې وطن ته یوړې او لا یې کورونه اباد کړي نه ول چې زلزله پرې راغله او یو وار بیا یې ژوند اغېزمن شو. دوی وايي د خپلو کورونو د بیا جوړولو وس یې نشته او حکومتي مرستو ته سترګې په لاره دي. په افغانستان کې د طالبانو حکومت وايي د کونړ له زلزله ځپلو سره یې د مرستو لړۍ پیل کړې ده.