جرمني ته ورغلي نوي کډوال په روزګار موندلو کې ستونزې لري
جرمني ته ورغلي نوي کډوال وايي چې د کلتوري توپیرونو او له ژبې سره د نابلدتیا له وجې ورته کار روزګار پیدا کول ستونزمن دي. په دې کډوالو کې د پاکستان او افغانستان وګړي هم شامل دي. بل پلو په هغه هېواد کې ځینې داسې شرکتونه هم شته چې په اسانو شرایطو کډوالو ته کار ورکوي. په دغو شرکتونو کې یو داسې هم دی چې مالک یې یو افغان دی او ډېرو نوو ورغلو کډوالو ته یې د کار اسانتیا برابره کړې ده.