د طالبانو حکومت د لوګر په محمد آغې ولسوالۍ کې د ۴۰ میګاواټو لمریزې برښنا د تولید د پروژې کار پیل کړ.
خبر زیاتوي چې ملا عبدالغنی برادر د طالبانو د حکومت د ریاست الوزراء اقتصادي مرستیال د پنجشنبې په ورځ د پروژې د پیل په مراسمو کې برخه واخیسته.
د ریاست الوزراء داقتصادي معاونیت خبر پاڼه وايي چې دا پروژه د ۲۸ ملیونو ډالرو په لګښت په ۱۸ میاشتوکې پلي کیږي او د ۱۲۶ میګاولټ امپیر د یوه سب ستیشن جوړول هم په کې شامل دي.
تمه ده چې ددغې پروژې له لارې ۴۰ زره کورنیو ته بريښنا ورسول شي او د محمد آغې د صنعتي پارک ستونزه هم حل شي.
درپوټونه په اساس افغانستان د خپلې برښتا ۸۰ سلنه اړتیا له ګاوڼیدو هیوادونو ترلاسه کوي او هر کال سلګونه میلیونه ډالر د برښنا په اخیستلو مصرفوي.