د پاکستان نوی حکومت هڅه کوي، په افغانستان کې د طالبانو له حکومت سره ښې اړیکې ولري او پاکستاني رسنۍ وايي، په افغانستان کې د طالبانو حکومت د پاکستان له نوي حکومت سره د رامنځته شویو مسایلو د حل او نوي رسمي کانال د پرانیستلو په لټه کې دي.
په وروستیو کې د پاکستان چارواکو په وار وار د طالبانو حکومت د هغو وسلهوالو د فعالیتونو په مخنیوي کې په پاتې راتلو تورن کړي چې په باور یې د افغانستان له خاورې په استفاده په پاکستان کې حملې تنظیموي.
له کلونو راهیسې پر طالبانو تور دی، چې له پاکستان سره نږدې اړیکې لري او په تېرو دوو لسیزو کې یې په پاکستان کې بیا ځانونه منسجم کړل.
د پوهنتون له استاد نصر اله ستانکزي زموږ همکار د مرکې په پیل کې پوښتنه وکړه چې ایا د پاکستان حکومت کولی شي د تحریک طالبان پاکستان یا ټي ټي پي په وړاندې مبارزه وکړي؟
