په کندهار کې د ګازرو یا زردکو کروندګر د خپلو حاصلاتو د پروسیس لپاره د فابریکو د جوړیدو غوښتنه کوي.
دوی وايي د ګازرو حاصلات يي ښه دي، خو په ډېره کمه بیه پلورل کیږي او دوی ته کړی مصرف نه پوره کوي.
د کروندګرو په وینا، که د ګازرو د پروسیس لپاره فابریکې جوړې شي نو حاصلات به يې په ښه بیه وپلوري.
دا مهال افغانستان ته د ګازرو څخه تولید شوې حلوا، مربا او ځینې نور توکي له بهرنیو هېوادونو راواردیږي.
د معلوماتو له مخې، دا مهال په کندهار کې پر ۱۵۰ هکټاره ځمکه د زردکو کښت شوی چې د اټکل له مخې به ۵۴۰۰ میټرک ټنه حاصل وکړي.
په دې اړه زموږ د همکار راپور د لاندې لېنک له کېکاږلو سره اورېدلی شئ:
