د اروپایي ټولنې د نشه يي موادو د څارنې مرکز وايي چې د هېرويينو بازار په بشپړ ډول د افغانستان د هېرويينو له تولید سره تړلی دی.
دا مرکزوايي، چې په افغانستان کې د کوکنارو کښت د منع کولو اغېز به په ۲۰۲۴ او ۲۰۲۵ میلادي کلونو کې اروپايي بازارونو ته د هېرویینو رسولو له مخې معلوم شي، ځکه اوسمهال په افغانستان او د سيمې هېوادونو کې په کافي اندازه د تارياکو زېرمې شته چې اروپايي بازارونو ته وړاندې شي.
زموږ همکار مرسلین ارسلا، په افغانستان کې د کوکنارو د کښت او اروپايي بازارونو ته د هېرويينو رسولو په اړه د اروپا د نشه يي موادو د نظارت مرکز تحليلګرې ډاکټرې تيودورا ګروشکووا (Teodora Groshkova) سره مرکه کړې او په پيل کې يې پوښتلې چې په افغانستان کې د کوکنارو د کښت منع کول به د اروپا پر نشه يي موادو څه اغېز ولري؟
دا مرکه د لېنک له کېکاږلو سره واورئ:
