په وروستیو کې د طالبانو پر لوړ پوړو چارواکو د داعش ډلې د خراسان څانګې له خوا حملې شوې دي.
د بلخ لپاره د طالبانو والي محمد داوود مزمل تېره پنجشنبه په خپل دفتر کې په یوه چاودنه کې ووژل شو، چې مسوولیت یې داعش ډلې ومانه.
تر دې مخکې هم داعش ډلې په افغانستان کې د ځینو پېچلو حملو مسوولیت منلی دی.
پرون هم په بلخ ولایت کې یوه چاودنه وشوه چې په نتیجه کې یې د خبریالانو په ګډون څو تنه ټپیان او یو تن ووژل شول.
که څه هم طالبان وايي په پېښه کې یو تن وژل شوی او ۸ تنه ټپیان دي، خو په افغانستان کې د رسنیو د ملاتړو بنسټونو له لوري بیا په دې چاودنه کې د وژل شویو کسانو شمېر درې او د ټپیانو ۱۵ کسه ښودل شوي.
زموږ همکار د باور غورځنګ له مشر نجیب ازاد نه د مرکې په پیل کې پوښتنه کړې، په وروستیو کې د طالبانو پر مهمو چارواکو ولې حملې زیاتې شوې دي؟
د دې مرکې د اورېدو لپاره لاندې لېنک کېکاږئ:
