کويټه کې ځان وژونکي بريد کې ۳ تنه وژل شوي

په کويټه کې یوې ځان وژونکې چاودنې درې تنه وژلي او ۲۳ تنه نور یې ټپیان کړي دي. د ازادي راډیو د مشال څانګې د راپور له‌مخې دا چاودنه نن سهار د پولیسو پر یوه موټر وشوه. د پولیسو یوه چارواکي خبریالانو ته وویل چې، په مړو کسانو کې یو پولیس او یوه ښځه هم شامل دي. د امنیتي چارواکو په وینا دا یوه ځان وژونکې حمله وه چې نژدې ۲۵ کیلوګرامه چاودېدونکې مواد په‌کې کارول شوي وو. د دې برید مسوولیت د پاکستاني طالبانو تحریک یا TTP منلی دی.