د افغانستان د سوداګرۍ او پانګونې خونه وايي، چې د سپین بولدک- چمن د دروازې تړل کېدل، افغان سوداګرو ته د ورځې د ملیونونو افغانیو زیان اړولی شي.
د سپین بولدک- چمن لار وروسته له هغې وتړل شوه، چې تېره یکشنبه یوه وسلهوال کس د پاکستان پر سرحدي پوځیانو ډزې وکړې، چې د راپورونو له مخې په نتیجه کې یې یو پاکستانی سرتېری ووژل شو او دوه نور ټپیان شول.
ویل شوي، د دې لارې تړل کېدو د دې سبب شوي، چې هره ورځ د کرښې په دواړو لوریو کې سوداګرو ته د ملیونونو افغانیو په ارزښت زیانونه واوړي.
زموږ همکار، د افغانستان د سوداګرو او پانګونې ټولنې له مشر، نور الله مبارز څخه د مرکې په پیل کې پوښتنه وکړه: د سپین بولدک- چمن د لارې یا دروازې تړل کېدل یوه سوداګر ته څومره زیان اړوي؟
د ښاغلي مبارز مرکه د لاندې غږيز فايل په کېکاږلو اورېدلی شئ:
