د هغو ماشومانو شمېر، چې له خپلوانو پرته په ۲۰۲۱ کال کې یې اروپا ته پناه وړې ده، په سلو کې ۷۰ زیات شوی دی.
کډوالو د شمېر له زیاتېدو سره چې له افغانستانه اروپا ته ورځي، د هغو کوچنیانو شمېر، چې په ۲۰۲۱ کې یې د اروپايي ټولنې په غړیو کې د پناه اخیستو هڅه کړې، ۷۲ سلنه زیات شوی او د هغو ډېره برخه د افغانانو دی.
د یورو سټټ پر اساس، که څه هم په مجموع کې د هغو پناه غوښتونکو شمېر چې په اروپايي اتحادیې کې پناه ورکړل شوې، تېر کال ۵ سلنه کم شوی دی.
دې ادارې د کډوالو د شمېر د کمېدو کوم دلیل نه دی څرګند کړی.
یوروسټټ وايي، تېر کال څه باندې ۲۳ زره ۲۰۰ بې خپلوانو ماشومانو د پناه غوښتنې کړي، حال دا چې په ۲۰۲۰ م کال کې څه باندې ۱۳ زره ۵۰۰ تنو کوچنیانو پناه غوښتې وه.
د اروپايي اتحادیې د احصایې ادارې همداراز ویلي، د دغو ماشومانو اکثریت له افغانستانه اروپا ته ورغلي دي.
د رویټرز خبري اژانس د راپور له مخې، د تېر کال په اسد میاشت کې د طالبانو له واک ته رسېدو وروسته زرګونه افغانان له افغانستانه ووتل.
اروپايي اتحادیې پروسږ کال د سوریې، افغانستان او وینزویلا تر ۲ لکه ۶۷ زره ډېرو کسانو ته پناه ورکړه.
ویل شوي چې اکثره پناه غوښتونکي جرمني، فرانسې او ایټالیا ته تللي دي.
د رویټرز خبري اژانس له راپور سره سم، د موجودو اسناد پر اساس، د اروپايي اتحادیې غړیو هېوادونو څه باندې ۵ زره بې خپلوانو یا یوازې ورغلیو ماشومانو ته پناه ورکړې ده.
