افغانستان، دبلینکین او د لاوروف د خبرو یوه برخه
د امریکا او روسیې د بهرنیوچارو وزیرانو د چارشنبې په ورځ په ایسلنډ کې خپلو کې ولیدل او د خبرو یوه برخه یې پر افغانستان را څرخیده. انټوني بلینکین او سرګي لاوروف همدا راز د دې دوو سیالو هیوادونو د ولسمشرانو د احتمالي کتنې، د ایران او شمالي کوریا د اټومي پروګرامونو په اړه هم خبرې کړي دي. د امریکا د بهرنیو چارو د وزیر په توګه له سرګي لاوروف سره دا د بلینکن لومړنۍ لیدنه وه.
