د افغانستان د ملي مصالحې عالي شورا وایي، د استانبول غونډه یو ښه فرصت و چې بېلابېلو اړخونو خپلې طرحې وړاندې کړي او پر مهمو موضوعاتو یوه توافق ته ورسېږي، خو طالبانو دغې غونډې ته په نه چمتووالي سره وښوده چې دا ډله سولې ته لېواله نه ده.
د استانبول د غونډې تنظیمونکو، ملګرو ملتونو، ترکیې او قطر نن چهارشنبه (د غويي ۱) په یوه خبرپاڼه کې وویل چې وروستیو تحولاتو ته په کتو او له ښکېلو اړخونو سره له پراخو مشورو وروسته، موافقه وشوه چې دغه غونډه وروسته نېټې ته وځنډول شي، تر څو شرایط ښو پر مختګونو ته برابر شي.
د ازادي راډیو خبریال نوریاس نوري د افغانستان د ملي مصالحې د شورا له ویاند فریدون خوځون سره مرکه کړې او په پیل کې یې ترې پوښتنه کړې چې تاسو دغې غونډې ته د بشپړ چمتوالي خبره کړې وه، ولې دغه غونډه وځنډېده؟
دا مرکه د لاندې لېنک په کېکاږلو سره اورېدلی شئ:
