د کورنیو چارو وزارت ویاند نصرت رحیمي وايي، د پېښې له سیمې ۱۸ تنه ټپیان روغتونونو ته لېږدول شوي دي.
ولسمشرۍ مانۍ د عبدالعلي مزاري د ۲۵ تلین پر غونډه برید د بشریت پر وړاندې وحشیانه برید وباله.
د ولسمشر غني ویاند صدیق صدیقي په خپل ټویټر پاڼه لیکلي، د افغانستان حکومت په سختو ټکو دغه برید غندي.
د هغه په خبره زړور امنیتي ځواکونه به د دې برید د دفاع او د خلکو ساتنې په موخه له هر راز اقام کار واخلي.
افغان ولسمشر محمد اشرف غني په خپل ټویټر پاڼه دغه برید د ملي یووالي او بشر ضد جنایت بولي او په وینا یې چې له بریده متاثره شوی دی.
هغه زیاتوي، له ډاکتر عبدالله او استاد خلیلي سره یې ټېلېفوني خبرې کړي او د احوال پوښتنه یې کړې.
د ازادي راډیو خبریال وايي، د کابل استقلال روغتون ته د ۱ کس مړی او ۶ ټپیان وروړل شوي چې د ۲ کسانو وضعیت نازک ښودل شوی.