د افغانستان د کورنیو چاور وزارت وايي، د بغلان پر امنیې قوماندانۍ ډله ییزه حمله د اتو حمله کوونکو په وژل کېدو ...
راپورونه وايي ځينو وسلوالو د بغلان د امنيې قوماندانۍ پر ودانۍ ډله ييزه حمله کړې ده.
د ولايتي شورا يوه غړي بسم الله عطاش نن ازادۍ راډيو ته وويل، يوه ځانمرګي بريدکوونکي امنيې قوماندانۍ ته څېرمه ځانمرګى بريد کړى دى.
د ښاغلي عطاش په خبره درېيو نورو حمله کوونکو، چې د قوماندانۍ انګړ ته دننه شوي، جګړه پيل کړې ده.
راپورونه وايي په امنيه قوماندانۍ کې دويمه چاودنه هم شوې ده.
د بغلان د روغتیا رياست مرستیال ازادي راډيو ته وویل چې د دغې پېښې له ځایه روغتون تر دې دمه ۱۲ ټپیان انتقال شوي دي.
ذبيح الله مجاهد چې ځان د وسله والو طالبانو وياند معرفي کوي، د حملې مسؤليت منلى دى.
د بغلان د ولایتي شورا رئیس صفدر محسني وایي چې د بغلان پر امنیې قوماندانۍ وسله وال بریدګر لا هم له امنیتي ځواکونو سره مقاومت کوي.
د بغلان د عامې روغتیا ریاست مرستیال داکتر غفاري وایي چې د بغلان پر امنیې قوماندانۍ تر حملې وروسته د ۳ پرله پسې چاودنو له امله لسګونه ټپیان روغتون ته وروړل شوي دي.
د بغلان د عامې روغتیا مرستیال ازادي راډيو ته وویل چې د دغې پېښې له ځایه روغتون تر دې دمه ۱۲ ټپیان انتقال شوي دي.
