د افغانستان د کورنیو چارو وزارت وایي، د کابل چاودنه ممکن څانوژونکی برید وي.
د دغه وزارت مرستیال ویاند نصرت رحیمي ازادي راډيو ته وویل چې څو دقیقې وړاندې په کابل کې د فواید عامې وزارت او د شهیدانو او معلولینو معینیت ته څېرمه د دوو چاودنو غږونه اورېدل شوي دي.
د نوموړي په خبره، له دغو چاودنو وروسته د ډزو غږونه هم اورېدل شوي دي.
رحیمي وویل، پولیس سیمې ته رسېدلي او د پېښې د نوعیت او زیانونو په اړهیې پلټنې روانې دي.
وسلهوال بریدګر په کابل کې د شهیدانو او معلولینو معینیت ته ننوتي دي.
د کابل د پولیسو د جنایي څېړنو رئیس محمد سالم الماس ازادي راډيو ته وویل چې د بریدګرو وسلهوالو شمېر معلوم نهدی، خو پولیسیې د لهمنځه وړلو لپاره عملیات کوي.
نوموړي چې د پېښې له ځایهیې له ازادي راډيو سره خبرې کولې وویل، هڅې کېږي چې ډېر ژر وسلهوال بریدګر له پښو وغورځول شي.
ده د دغې پېښې د تلفاتو په اړه څه ونهویل، خو زیاتهیې کړه چې د شهیدانو او معلولینو معینیت ته تر ننوتو مخکې دوه چاودنې د دغه معینیت د ودانۍ دباندې شوې دي.
د دې برید مسؤلیت تر اوسه چا نه دی منلی.
د شهیدانو او معلولینو د معینیت کار کوونکی او د کابل د نننۍ پېښې عیني شاهد د دغې پېښې په څرنګوالي غږېږي.
د کابل د نن ورځې د وسله وال برید او چاودنې د سیمې ویډيو
رالېږونکی: مجتبی ګلستاني