کندهار کې د ښځو د رايي ورکولو يو مرکز.
نن شنبه په کندهار کې د ولسي جرګې ټاکنې روانې دي.
په کندهار کي د دغو ټاکنو په بهیر کې د ګډوډیو په هکله په دغه ولایت کې د ازادي راډيو خبریال صادق رښتیني د ټاکنو د ځایي کمېسیون له رئیس نعمت الله وردګ سره لنډه مرکه کړې او د ټاکنو پر وضعیت غږېدلی دی.
د دې مرکې د اورېدو لپاره لاندې لېنک کېکاږئ:
په کندهار ولایت کې ښځو هم له خپل سیاسي ګډون څخه ګټه واخيسته
محمد صادق رښتینی د رأیې ورکونې یو مرکز ته ورغلی دی.
ايډېټ:تمیم اخګر
په کندهار کې د ولسي جرګې انتخابات روان دي چې د مازيګر تر څلورو بجو به دوام کوي.
د انتخاباتو د خپلواک کمېسیون په وینا، په کندهار ولایت کې شااوخوا پنځه لکه او شپېته زره کسان د رأیې ورکولو پر شرایطو برابر دي چې د رأیې ورکولو ۱۷۳ مرکزونه ورته برابر شوي دي.
د رأيو ورکولو مرکزونه چې په پام کې وه د سهار پر ٧ پيل شي، په ځينو ځايونو کې په ځنډ پرانيستل شول.
په کندهار کې ١١٢ کسانو ځانونه کانديد کړي چې ١١ کسان به يې ولسي جرګې ته لار پيدا کوي.
له غزني او کندهار پرته په نورو ٣٢ ولايتونو کې د ولسي جرګې انتخابات تېره شنبه وشول.
په کندهار کې دغه انتخابات وروسته له هغې يوه اوونۍ وځنډول شول چې د کندهار امنيه قوماندان او د ملي امنيت رئيس په يوه حمله کې ووژل شول او والي ټپي شو.
صالح محمد صالح په کندهار کې د ټاکنو د خپلواک کمېسيون د ولايتي دفتر له وياند ميرزا محمد حقپرست څخه د مرکې په پيل کې پوښتنه کړې چې په کندهار کې ولې د انتخاباتو په پروسه کې هغه تېروتنې چې د ميزان پر ٢٨مه شوې وې، بيا تکرار شوې؟
د دې مرکې د اورېدو لپاره لاندې لېنک کېکاږئ: