د بخښنې نړیوال سازمان د یوې صوفي ډلې د غړي محمد ثلاث د ژر پېښېدونکي اعدام په اړه ایران ته ګواښ کړی دی.
د بخښنې نړیوال سازمان ویلي چې ایراني چارواکي باید فوراً د ۵۱ کلن محمد ثلاث ژر پېښېدونکی اعدام ودروي او د مرګ له سزا یې تېر شي.
دې سازمان پرون یکشنبه په یوه بیان کې ویلي نړیواله ټولنه باید د محمد ثلاث د اعدام د مخنیوي لپاره هېڅ هڅه ونهسپموي.
د منځني ختیځ او شمالي افریقا لپاره د بخښنې نړیوال سازمان د تحقیق او مرستې رسونې رئیس فیلیپ لوتهر ویلي، که ایراني چارواکي دا اعدام اجرا کړي، یوه لویه بېعدالتي بهیې ترسره کړي وي.
د ایران قضائیه قوې د دې لپاره په محمد ثلاث د اعدام حکم صادر کړی چې په خبرهیې د فبرورۍ په میاشت کې یې د صوفیانو د یوې ډلې او د پولیسو ترمنځ د فزیکې شخړې پر مهال پولیس په موټر وهلي او د هغوی درې تنهیې وژلي دي.
محمد ثلاث بیا په مارچ کې د محاکمې پر مهال ویلي و چې قصداً یې دا پولیس نهدي وژلي.
د صوفیانو دا ډله د ګنبدي دروېشانو په نوم پېژندل کېږي چې پولیسو په تهران کې ورسره شخړه کړې وه.
دوی د خپلو ځینو ملګرو د نیول کېدو او د دې اوازو په غبرګون مظاهره کوله چې ژر بهیې د طریقې پیر ۹۰ کلن نور علي تابنده ونیول شي.
د بخښنې نړیوال سازمان ویلي، د ایران قضایي چارواکو د محمد ثلاث کورنۍ زندان ته ورغوښتې وه چې هغه د وروستي ځل لپاره وګوري او دا د دې ښکارندويي کوي چې هغه به په څو ساعتونو کې که نهوي په څو ورځو کې اعدام کړي.
اخوا د محمد ثلاث لور نرګس ثلاث د ایران د قضائیه قوې تر خبر وروسته د کورنۍ له ځینو نورو غړو سره یوځای د خپل پلار لیدنې ته ورغلې وه.
نرګس ثلاث د ازادې اروپا/ راډیو فردا څانګې ته وویل چې ټول باید د دغه اعدام مخه ونیسي.
نرګس ثلاث وايي:
"له دې قضیې ډېر خپه یو. له ټولو خلکو تمه لرو چې له موږ سره مرسته وکړي او پرېنهږدي چې د پلار وینه مو ناحقه تویه شي. همدا شېبه له زندانه راغلو. له خپل پلار سره مو ولیدل. موږ ۱۵ کسان و یوازې یو ساعتیې موږ ته د خبرو وخت راکړ. ډېر یې خبرو ته پرېنهښودو. پلار مې وویل چې ټول پوهېږي زه بېګناه یم او ما بېګناه په دار خېژوي."
د محمد ثلاث مدافع وکیلې زینب طاهري هم ویلي چې ښايي مؤکلیې د دوشنبې په ورځ اعدام شي.
امنېسټي انټرنشنل ویلي، د محمد ثلاث په قضیه کې لویه بېانصافي روانه ده او دا قضیه د ایران د قضايي سیستم تېروتنې ټولو ته په ډاګه کوي.
ایران له کلونو راهیسې د بېلابېلو قضیو په خاطر ګڼ کسان اعدام کړي چې دې کار د بشري حقونو مدافع ډلې او نړیواله ټولنه سخته په غصه کړې او د ایران په رژیمیې تُندې نیوکې کړې دي.
راپور: صفيالله ستانکزی
