د کابل پوهنتون استاد پوهاند ودير ساپى وايي، ننني انتخابات راتلونکي ته هيله ورکوي، ځکه خلک په ډېر شوق سره ور روان وو.
ځينو اورېدونکو ازادۍ راډيو ته وويل هغه رنګ چې د انتخاباتو پر مهال يې پر ګوته کارول شوي، په اسانۍ نه پاکېږي.
د کابل په خيرخانه مېنه کې د ازادۍ راډيو خبريال جاوېد فيضي وايي، په څو مرکزونو کې د رايو پاڼې خلاصې شوې وې او دوى انتظار پاتې شوي، خو تراوسه دغه پاڼه نه دي وررسول شوي. د ده په خبره يو څو مرکزونو ته دغه پاڼې رسول شوي دي.
د کابل په بي بي مهرو سيمه کې د ازادۍ راډيو خبرياله حميده عثمان وايي، تر غرمې وروسته د بي بي مهرو په جومات کې د رايو پاڼې خلاصې شوې او دغه مرکز وتړل شو. د انتخاباتي مرکز مسوولينو وويل چې خلک دې بل مرکز ته ورشي.