د ازادۍ راډيو خبرياله جميله ظريف وايي، د کابل په درېيمه ناحيه کې د رايو ورکولو مرکز وتړل شو. اوس د رايو شمېرل پيل شوي دي.
د انتخاباتو خپلواک کميسيون د دارالانشا مشر ضيا الحق امرخېل يوه کنفرانس ته وويل، د شپې له خوا په رايو کې د درغلۍ امکان نه شته.
د انتخاباتو خپلواک کميسيون د رسنيو په مرکز کې د ازادۍ راډيو خبريال اسد الله لودين وايي، د انتخاباتو خپلواک کميسيون د دارالانشا مشر ضيا الحق امرخېل يوه کنفرانس ته وويل، هغه کسان چې د رايې ورکولو د مرکزونو په وړاندې کتار دي، کولاى شي تر ٥ بجو وروسته هم خپلې رايې وکاروي.