په الوتکه کې تر سلو زیات کسان سپاره وو، دولتي مقامات وايي، په دې پيښه کې د الوتکې د عملې په ګډون ټولو خپل ژوند له لاسه ورکړی.
له ۲۰۱۰ کال راهیسې دا دویمه سپرلۍ وړونکې الوتکه ده چې په پاکستان کې لویږي.
ځايي رسنیو په دې پيښه کې د ۱۲۷ تنو د مړینې راپور ورکړی، خو ددفاع وزارت مسوولینو اصلي شمير تر دې لوړ ښوولی.
که څه هم د شپې تر ناوخته د نجات عملیات روان و او دا لا نده معلومه چې الوتکه څنګه لویدلې خو اړوند مقامات وايي، ګومان کیږي، چې دا الوتکه به د خرابې هوا له امله لویدلې وي.
د بوجا خصوصي هوايي شرکت یوه سپرلۍ وړونکې الوتکه د اسلام اباد پر هوايي ډګر تر ښکته کیدو لږه شيبه وړاندې وغورځيده، چې په ترڅ کې يې تر سلو ډيرو کسانو خپل ژوند له لاسه ورکړ.
د ملکي هوايي چلند مسوولین وايي، په بوینګ ۷۲۷ ډوله دغه الوتکه کې چې له کراچۍ څخه د اسلام اباد پر لور الوتلې وه د عملې په ګډون ۱۳۰ تنه سپاره وو.
۲۷ کلنه بوینګ ۷۲۷ یوه له هغو الوتکو ده چې په نوره نړۍ کې يې کلونه وړاندې پر الوتنو بندیز لګیدلی، خو د پاکستان د دفاع وزارت مرستیالې نرګس سيټهي، چې د سپرلیو د کره شمير په باب يې رسنیو ته معلومات ورکول ددې بندیز په باب بې خبري وښوده:
̎په الوتکه کې ۱۲۱ سپرلۍ او نهه تنه يې عمله وه، دا چې دغې الوتکې د پرواز اجازه درلوده که نه په دې باب څه نشم ویلی او نه هم معلومات لرم.
خو د ملکي هوايي چلند له مقاماتو نه به معلومات ترلاسه او بیا به يې له تاسو سره شریک کړم.̎
د کورنیو چارو وزیر رحمان ملک له رسنیو سره په خبرو کې وویل، د پوځ په ګډون د ژغورنې بیلابلې ډلې سیمې ته استول شوي او ترهغې چې دغه عملیات پای ته نه وي رسیدلي د مړو د کره شمیر په باب څه ویل به له وخته وړاندې وي.
بل خوا د ملکي هوايي چلند افسر او د پيښې عینې شاهد ارشد محمود د پيښې په ځای کې رسنیو ته وویل، چې تر یو کلومترۍ پورې هره خوا د مړیو غړي پراته دي او داسې نه ښکاري، چې څوک به په کې ژوندي پاتې وي:
̎دغه الوتکه مې ولیده چې د هوايي ډګر پر لور يې پرواز کاوه، ناڅاپه ترې د اور لمبې پورته شوې او سمدستي مخ ښکته ولوې ده.
له لوېدو سره سم هره خوا ته د اور لمبې پورته شوې، تر لسو دقیقو په کم وخت کې موږ سیمې ته ورسیدو. هر لور ته مړي او د انسانانو ټوټې ټوټې غړي پراته و او له بده مرغه ژوندی کس مو په کې ونه موند.̎
ارشد وايي، الوتکه پر کورونو لویدلې، یوشمېر کورونه يې نړولي یا زیانمن کړي دي خو دا معلومه نه ده چې په کورونو کې هم څوک وژل شوي دي که نه.
که څه هم د الوتکې د سقوط عوامل لا نه دي معلوم خو نوموړی وايي، ګومان کیږي، چې الوتکه تندر وهلې وي.
دغه الوتکه په داسې حال کې لویدلې، چې په ۲۰۱۰ کال کې همدې سیمې ته نژدې د ایربلیو خصوصي هوايي شرکت د یوې مسافر وړونکې الوتکې چې ۱۵۲ تنه په کې سپاره وو د غورځیدو عوامل لاهم له خلکو پټ ساتل شوي.
بوجا خصوصي هوايي شرکت چې د زړو او تاریخ تیرو الوتکو د درلودو له امله يې څو کاله وړاندې پر الوتنو بندیز لګیدلی و؛ تیره میاشت یوارې بیا د فعالیت جواز ترلاسه کړ.
که څه هم دې شرکت د پيښې د عواملو په باب څه نه دي ویلي، خو ویل کیږي، چې دغه الوتکه یوه بل خصوصي هوايي شرکت د زړښت او تخنيکي ستونزو له امله په ارزانه بیه پر بوجا شرکت پلورلې وه.
له ۲۰۱۰ کال راهیسې دا دویمه سپرلۍ وړونکې الوتکه ده چې په پاکستان کې لویږي.
ځايي رسنیو په دې پيښه کې د ۱۲۷ تنو د مړینې راپور ورکړی، خو ددفاع وزارت مسوولینو اصلي شمير تر دې لوړ ښوولی.
که څه هم د شپې تر ناوخته د نجات عملیات روان و او دا لا نده معلومه چې الوتکه څنګه لویدلې خو اړوند مقامات وايي، ګومان کیږي، چې دا الوتکه به د خرابې هوا له امله لویدلې وي.
د بوجا خصوصي هوايي شرکت یوه سپرلۍ وړونکې الوتکه د اسلام اباد پر هوايي ډګر تر ښکته کیدو لږه شيبه وړاندې وغورځيده، چې په ترڅ کې يې تر سلو ډيرو کسانو خپل ژوند له لاسه ورکړ.
د ملکي هوايي چلند مسوولین وايي، په بوینګ ۷۲۷ ډوله دغه الوتکه کې چې له کراچۍ څخه د اسلام اباد پر لور الوتلې وه د عملې په ګډون ۱۳۰ تنه سپاره وو.
۲۷ کلنه بوینګ ۷۲۷ یوه له هغو الوتکو ده چې په نوره نړۍ کې يې کلونه وړاندې پر الوتنو بندیز لګیدلی، خو د پاکستان د دفاع وزارت مرستیالې نرګس سيټهي، چې د سپرلیو د کره شمير په باب يې رسنیو ته معلومات ورکول ددې بندیز په باب بې خبري وښوده:
̎په الوتکه کې ۱۲۱ سپرلۍ او نهه تنه يې عمله وه، دا چې دغې الوتکې د پرواز اجازه درلوده که نه په دې باب څه نشم ویلی او نه هم معلومات لرم.
خو د ملکي هوايي چلند له مقاماتو نه به معلومات ترلاسه او بیا به يې له تاسو سره شریک کړم.̎
د کورنیو چارو وزیر رحمان ملک له رسنیو سره په خبرو کې وویل، د پوځ په ګډون د ژغورنې بیلابلې ډلې سیمې ته استول شوي او ترهغې چې دغه عملیات پای ته نه وي رسیدلي د مړو د کره شمیر په باب څه ویل به له وخته وړاندې وي.
بل خوا د ملکي هوايي چلند افسر او د پيښې عینې شاهد ارشد محمود د پيښې په ځای کې رسنیو ته وویل، چې تر یو کلومترۍ پورې هره خوا د مړیو غړي پراته دي او داسې نه ښکاري، چې څوک به په کې ژوندي پاتې وي:
̎دغه الوتکه مې ولیده چې د هوايي ډګر پر لور يې پرواز کاوه، ناڅاپه ترې د اور لمبې پورته شوې او سمدستي مخ ښکته ولوې ده.
له لوېدو سره سم هره خوا ته د اور لمبې پورته شوې، تر لسو دقیقو په کم وخت کې موږ سیمې ته ورسیدو. هر لور ته مړي او د انسانانو ټوټې ټوټې غړي پراته و او له بده مرغه ژوندی کس مو په کې ونه موند.̎
ارشد وايي، الوتکه پر کورونو لویدلې، یوشمېر کورونه يې نړولي یا زیانمن کړي دي خو دا معلومه نه ده چې په کورونو کې هم څوک وژل شوي دي که نه.
که څه هم د الوتکې د سقوط عوامل لا نه دي معلوم خو نوموړی وايي، ګومان کیږي، چې الوتکه تندر وهلې وي.
دغه الوتکه په داسې حال کې لویدلې، چې په ۲۰۱۰ کال کې همدې سیمې ته نژدې د ایربلیو خصوصي هوايي شرکت د یوې مسافر وړونکې الوتکې چې ۱۵۲ تنه په کې سپاره وو د غورځیدو عوامل لاهم له خلکو پټ ساتل شوي.
بوجا خصوصي هوايي شرکت چې د زړو او تاریخ تیرو الوتکو د درلودو له امله يې څو کاله وړاندې پر الوتنو بندیز لګیدلی و؛ تیره میاشت یوارې بیا د فعالیت جواز ترلاسه کړ.
که څه هم دې شرکت د پيښې د عواملو په باب څه نه دي ویلي، خو ویل کیږي، چې دغه الوتکه یوه بل خصوصي هوايي شرکت د زړښت او تخنيکي ستونزو له امله په ارزانه بیه پر بوجا شرکت پلورلې وه.