وروسته له هغې چې په ایران کې د دويم اټومي مرکز مسله افشا شوه د امریکا جمهور رییس بارک اوباما د نړۍ د یو شمېر مشرانو په حضور کې د جمعي په ورځ له ایران څخه وغوښتل چې د خپل هستوي پروګرام په اړه دي ټول حقایق په ډاګه کړي او کنه نو له سختو بندیزونو سره به مخامخ شي.
جمهور رییس اوباما چې د امریکا په پیټسبرګ ښار کې د شلو سترو صنعتي هیوادونو د غونډې په پای کې یې خبرې کولې، د ایران په وړاندې له پوځي قوي څخه کار اخیستل یې رد کړل او په دې اړه یې په ډپلوماتیک حل ټینګار وکړ:
((ایران د سوله ایزو مقصدونو او د خپلو خلکو د اړتیاو پوره کولو په مقصد د هستوي انرژۍ حق لري خو ددې دستګاه اندازې او ظرفیت ته چې سړی ګوري داسې نه بریښې چې د سوله اېزو مقصدونو لپاره دې وي. ایران هغه قوانین ماتوي چې نور هیوادونه یې باید ومني. ایران د هستوي وسلو د نه پراختیا تړون له خطر سره مخامخ کړی ، د سېمې او نړۍ ثبات او امنیت له ګواښ سره مخ کوي.))
د ایران جمهور رییس محمود احمدي نژاد وایي دا هستوي مرکز یې د ملګرو ملتونو د محدویتونو او مقرراتو په اساس جوړ شوی او د بهرنیو پلټونکو په مخ خلاص دی.
د امریکا جمهور رییس بارک اوبا دا هم وویل که په راتلونکې اوونۍ کې د ایران او نړیوالې ټولنې تر منځ خبرې نتیجه ورنه کړي نو دا ځل به په دي هیواد باندي بندیزونه ډېر سخت او ژوبلونکي وي.
جمهور رییس اوباما چې د امریکا په پیټسبرګ ښار کې د شلو سترو صنعتي هیوادونو د غونډې په پای کې یې خبرې کولې، د ایران په وړاندې له پوځي قوي څخه کار اخیستل یې رد کړل او په دې اړه یې په ډپلوماتیک حل ټینګار وکړ:
((ایران د سوله ایزو مقصدونو او د خپلو خلکو د اړتیاو پوره کولو په مقصد د هستوي انرژۍ حق لري خو ددې دستګاه اندازې او ظرفیت ته چې سړی ګوري داسې نه بریښې چې د سوله اېزو مقصدونو لپاره دې وي. ایران هغه قوانین ماتوي چې نور هیوادونه یې باید ومني. ایران د هستوي وسلو د نه پراختیا تړون له خطر سره مخامخ کړی ، د سېمې او نړۍ ثبات او امنیت له ګواښ سره مخ کوي.))
د ایران جمهور رییس محمود احمدي نژاد وایي دا هستوي مرکز یې د ملګرو ملتونو د محدویتونو او مقرراتو په اساس جوړ شوی او د بهرنیو پلټونکو په مخ خلاص دی.
د امریکا جمهور رییس بارک اوبا دا هم وویل که په راتلونکې اوونۍ کې د ایران او نړیوالې ټولنې تر منځ خبرې نتیجه ورنه کړي نو دا ځل به په دي هیواد باندي بندیزونه ډېر سخت او ژوبلونکي وي.