خو د انتخاباتو د خپلواک کمسیون د دارالانشاء مشر داوود علي نجفي ازادۍ راډیو ته وویل چې هڅه کوو چې ابتدایي قسمي نتیجې نن بشپړې اعلان کړو:
((نن هڅې کوو چې قسمي نتیجې بشپړې اعلان کړو، خو موږ درې ورځې رخصت وو نو کیدای شي چې و نه توانیږو او دا نتایج تر سبا وځنډیږي))
د د افغانستان د ولسمشرۍ د انتخاباتو د ابتدایي قسمي بشپړو نتیجو د اعلان ژمنه په داسې وخت کې شوې ده چې د درغلیو د سلګونو لګیدلو تورونو له امله دا هم ویل کیږي چې ښایي نتیجې ځنډنۍ شي.
د تورونو په اړه داوود علي نجفي وویل چې په مختلفو سیمو کې شوې دي:
(( لکه څرنګه چې ویل شوي دي چې په کندهار، پکتیکا او غزنی کې درغلۍ شوې دي، خبره داسې نه ده په مختلفو سیمو کې موږ د درغلیو خبرونه ترلاسه کړې دي.))
د افغانستان د انتخاباتي کمیسون کارکونکي د رایو په شمېرلو او د نتایجو پر جوړولو کارکوي .
د انتخاباتو د خپلواک کمیسون د دارالانشاء مشر بیا ازادۍ راډيو ته هغه ولایتونه په نښه کړل چې نن پکې د درغلیو په اړه رپوټ ورکوي:
(( ډیرې درغلۍ به نن په کندهار او پکتیکا کې په نښه شي))
د انتخاباتو خپلواک کمسیون د پنجشنبې په ورځ د درې اتیا رایي ورکولو د مرکزونو رایي باطلې اعلان کړې دا رایي ټولې په هغو سیمو کې وې چې د ولسمشر حامد کرزي ډیر ملاتړ پکې کیږي.
د حامد کرزي رایي تر اوسه د ابتدایي قسمي نتیجو له مخې تر پنځوس فیصده زیاتې دي خو که چیرته د انتخاباتو خپلواک کمسیون نورې رایي هم باطلې اعلان کړي بیا به دغه فیصدي تر پنځوسو راښکته شي او له قانون سره سم به د دوو هغو کاندیدانو تر منځ بیا انتخابات وشي چې ډیرې رایي یې ګټلې دي.
په ولسمشر کرزي پسې تر بل هر کاندید تر اوسه د ګڼل شویو راییو له مخې د ډاکټر عبداله عبداله رایي زیاتې دي او ډاکټر عبداله او ملاتړیو یې بیا بیا تور پورې کړی دی چې په انتخاباتو کې درغلۍ شوې دي.
((نن هڅې کوو چې قسمي نتیجې بشپړې اعلان کړو، خو موږ درې ورځې رخصت وو نو کیدای شي چې و نه توانیږو او دا نتایج تر سبا وځنډیږي))
د د افغانستان د ولسمشرۍ د انتخاباتو د ابتدایي قسمي بشپړو نتیجو د اعلان ژمنه په داسې وخت کې شوې ده چې د درغلیو د سلګونو لګیدلو تورونو له امله دا هم ویل کیږي چې ښایي نتیجې ځنډنۍ شي.
د تورونو په اړه داوود علي نجفي وویل چې په مختلفو سیمو کې شوې دي:
(( لکه څرنګه چې ویل شوي دي چې په کندهار، پکتیکا او غزنی کې درغلۍ شوې دي، خبره داسې نه ده په مختلفو سیمو کې موږ د درغلیو خبرونه ترلاسه کړې دي.))
د انتخاباتو د خپلواک کمیسون د دارالانشاء مشر بیا ازادۍ راډيو ته هغه ولایتونه په نښه کړل چې نن پکې د درغلیو په اړه رپوټ ورکوي:
(( ډیرې درغلۍ به نن په کندهار او پکتیکا کې په نښه شي))
د انتخاباتو خپلواک کمسیون د پنجشنبې په ورځ د درې اتیا رایي ورکولو د مرکزونو رایي باطلې اعلان کړې دا رایي ټولې په هغو سیمو کې وې چې د ولسمشر حامد کرزي ډیر ملاتړ پکې کیږي.
د حامد کرزي رایي تر اوسه د ابتدایي قسمي نتیجو له مخې تر پنځوس فیصده زیاتې دي خو که چیرته د انتخاباتو خپلواک کمسیون نورې رایي هم باطلې اعلان کړي بیا به دغه فیصدي تر پنځوسو راښکته شي او له قانون سره سم به د دوو هغو کاندیدانو تر منځ بیا انتخابات وشي چې ډیرې رایي یې ګټلې دي.
په ولسمشر کرزي پسې تر بل هر کاندید تر اوسه د ګڼل شویو راییو له مخې د ډاکټر عبداله عبداله رایي زیاتې دي او ډاکټر عبداله او ملاتړیو یې بیا بیا تور پورې کړی دی چې په انتخاباتو کې درغلۍ شوې دي.