مثلث: نگرانی اصلی تاجیکستان از حاکمیت طالبان بر افغانستان چیست؟

مناسبات بین تاجیکستان و طالبان با رویارویی و ابهام همراه بوده. دوشنبه، حکومت طالبان را نا فراگیر خوانده و از آن انتقاد کرده. اما به تازگی شاهد سر و صداهایی در امور دیپلماتیک بوده‌ایم. نامه‌ای در رسانه‌های اجتماعی دست به دست شد که ظاهراً طالبان شخصی را به‌عنوان دیپلمات به سفارت افغانستان در دوشنبه معرفی کرده‌اند. سپس، شخصی دیگری از خاروغ مرکز گورنو بدخشان در تاجیکستان در ویدیویی گفت که مستقیماً زیر حمایت و هدایت وزارت خارجه حکومت طالبان فعالیت می‌کند. در این حال و احوال، امام علی رحمان رئیس‌جمهور تاجیکستان هفته گذشته مهمان ولادیمیر پوتین بود و تقریبا همزمان از حضور چهره‌های مخالف طالبان در مسکو هم خبر رسید. آیا در موقف تاجیکستان نسبت به طالبان نرمش دیده می‌شود یا اینکه نگرانی‌های دوشنبه از طالبان همچنان پابرجاست؟ در برنامۀ مثلث این هفته، به همین موضوع پرداخته ایم