“Бийлик сырлары” берүүсүнүн коногу Улуттук илимдер академиясынын академиги, филология илимдеринин доктору, профессор Сыртбай Мусаев болду. Ал "Мамлекеттик тил жөнүндө" биринчи мыйзамдын тарых-таржымалы, анын иштебей жатышынын себептери жөнүндө маек курду.
Баткенде Орусиядан миграциядан кайткан жарандарга колдоо көрсөткөн долбоор иштеп жатат. Коомдук уюмдун жана донорлордун колдоосу менен чакан ишкерлик боюнча окуулар уюштурулуп, каражат да берилет. Орусиядагы абалдан улам мекенине кайткан мигранттар көбөйгөн шартта бул долбоордун мааниси артууда.
Мамлекеттик ипотекалык компания жаңы отчётунда 20 миң батирлүү 400дөн ашуун үй салып жатканын билдирип, бул Кыргызстан эгемендик алгандан берки эң масштабдуу курулуш өнөктүгү экенин жар салды. Мунун ичинен 100дөн ашык турак жайы же 6 миңден ашык батири быйыл пайдаланууга берилет экен.
Суусамыр жайлоосуна Чүй менен Талас облустарынан онго чукул райондун малчылары чыгат. Соңку кездери жайытты каптаган алтыгана маселеси тынбай көтөрүлүп келет.
Украинанын Сумы шаарындагы карылар үйүнө авиациялык бомба менен чабуул жасалып, бир киши мерт болду, 13ү жараат алды. Израил "Хезболланын" объектилерине, курал-жарак сакталган кампаларына жапырт сокку урду. Бишкекте жыл аягына чейин 2 миңден ашык батир ипотекага берилет.
“Жер кодексинин” жаңы редакциясында Жер участогуна болгон жеке менчик укугу жөнүндө мамлекеттик актыны, же эл оозунда "кызыл китеп", "жашыл китеп", “көк китеп” деп аталган документти жоюу сунушталды.
Кыргызстанда административдик-аймактык реформа жүргөнү үчүн жергиликтүү кеңештер таркатылып, өлкө боюнча шаардык жана айылдык кеңештерди кайра шайлоо 17-ноябрга дайындалды.
Абактагы УИАнын мурдагы кызматкери Жоомарт Карабаев атайын кызматтын тергөөчүсү ага басым-кысым кылганын билдирип, президентке кайрылды. Ливанда пейжерлердин жарылуусунан тогуз киши каза таап, миңдеген киши жараат алды. Жаңы жылдан тарта Москвада мигранттар тейлөө тармагында иштей албайт.
Ысык-Көлдүн Жети-Өгүз районунда тогуз жаштагы кызды зордуктоого шек саналып 19 жана 25 жаштагы эки жигит кармалды. Шектүүлөр райондук соттун чечими менен эки айга камакка алынган. Бул үрөй учурган окуя кыргыз коомундагы балдарга жасалган зордук-зомбулуктун дагы бир ачыкка чыккан учуру болуп калды.
Ош шаарында 16-сентябрда “Коопсуз шаар” долбоору ишке кирди. 60 жерге камера орнотулуп, жол эрежесин бузуу фактыларын автоматтык түрдө сүрөткө, видеого тартып, айып пулдар салынат. Долбоор дээрлик эки айдан ашык пилоттук режимде иштеп келген. Аны орусиялык “Мегафон” компаниясы ишке ашырууда.
Таластын Кең-Арал айылындагы мектептин имаратынын курулуш иштеринин кечеңдешине байланыштуу окуучулар жаңы окуу жылын медресе, кафенин имаратында баштоого аргасыз болду. Курулуш иштери бюрократиялык маселелерден улам кечеңдегини айтылууда. Бул кырдаалга ким жооптуу?
Украинанын Аскердик-аба күчтөрү өткөн түнү Орусия учурган 53 дрон атып түшүрүлгөнүн маалымдады. Өзбекстан жана Германия ортосунда миграция макулдашуусу кабыл алынды. Атайын кызматтын төрагасы Камчыбек Ташиев “Ата-Журт” саясий партиясын алдыдагы жергиликтүү кеңештерге шайлоого катыштырбасын айтты.
Дагы жүктөңүз
