Казакстанда Каспий деңизинде аскер-деңиз күчтөрүнүн окуу-машыгуусу маалында шамалдын күчөшүнөн 14 аскер кызматкери сууга чөгүп каза болду. 25-сентябрь Казакстанда Аза күтүү күнү деп жарыяланды. Бардык маданий, оюн-зоок иш-чаралары токтотулду.
Саламаттык сактоо министрлиги балдарды эмдетүүгө чакырды. Министрлик балдар арасындагы кызамык сыяктуу жугуштуу ооруларды жайылтпоо үчүн түшүндүрүү иштерин жүргүзүп келет. Бирок социалдык тармактарда эмдөөнүн айланасындагы курч талкуулар токтой элек.
Кыргызстандын экинчи ири калаасы Ошто быйыл биринчи класска барган окуучулардын дээрлик 50 пайызга жакыны орус тилдүү мектептерди тандашкан.
Кыргызстанда 1989-жылдан тарта 23-сентябрь - Мамлекеттик тил күнү катары белгиленет. 37 жыл ичинде эне тилди өнүктүрүү, мамлекеттик деңгээлде кеңири колдонууга жетишүү аракеттери жүрүп келүүдө. Бирок кыргыз тилине мамлекеттик мекемелердеги мамиле дайыма сын-пикирдин бутасында.
Кыргызстанда энергетика жана башка тармактардагы айрым кылмыш иштеринде аты аталган Алексей Ширшов “Ширшов фондун жеке каражатынын эсебинен каржылап жатканын”, “эч кандай саясий дымагы жок экенин”, “Каракол жубайы ушул шаардан болгондуктан тандалганын” айткан видеотасма жарыяланды.
Жалал-Абад облусунун Чаткал районунда 9-класстын окуучусу ур-токмоктон каза тапканын жакындары айтып чыкты. Өспүрүмдү даратканада 11-класстын окуучулары сабап, ошол жерде жан берген деп айтышууда. Облустук милиция окуяга катыштыгы бар делген төрт окуучуну камакка алды.
Кыргызстанда мектептердеги окуучулардын коопсуздугу менен катар буга чейин козголгон китеп маселеси дагы курч бойдон турат. Министрлер кабинетинин төрагасы Адылбек Касымалиев 21-сентябрда атайын кеңешме өткөрдү.
Немис башкалаасын түркиялык мигранттардын кызы Элиф Эралп башкарып калышы ыктымал. Анын солчул партиясы Берлиндеги шайлоодо 26% чукул добуш топтоп, биринчи орунга чыкты. 45 жаштагы саясатчы мэр болушу үчүн эми коалиция түзүшү керек.
Жалал-Абад облусунун Чаткал районунда 9-класстын окуучусу ур-токмоктон каза тапканын жакындары айтып чыкты. Алардын билдиришинче, өспүрүмдү дааратканада 11-класстын окуучулары сабап, бала ошол жерде жан берген. Облустук милиция окуяга катыштыгы бар делген төрт окуучуну камакка алды.
Ошто эттин баасына нааразы болгон 60тай соодагер Ош мэриясынын алдына чогулду. Алар өкмөт койгон 770 сом деген баа арзан экенин айтып, 1 кг уй этин 850 сомго көтөрүү талабы менен чыгышты. Өткөн аптада өкмөт бааны карап, уй этин 1 кг эт 770 сом деп бекиткен.
Украиналык дрондордун Москвага жапырт чабуулунан кийин айрым кыргызстандык мигранттар мекендештерине кайрылып, орус башкалаасына келбей турууну эскертүүдө. Орусиянын миграциялык катаал саясатына карабай бул өлкөдө иштеп жүргөн жүз миңдеген кыргызстандыктар бар. Көпчүлүгү Москвада эмгектенет.
Орусияда мигранттар азайып, жумушчу күчүнүн тартыштыгы күчөп жатат. Бийлик бир жагынан чет элдик жумушчуларды тартууга аракет кылса, экинчи жагынан аларга көзөмөлдү жана чектөөлөрдү күчөтүүдө. Эксперттер мындай саясат экономика үчүн кошумча көйгөй жаратышы мүмкүн экенин айтууда.
Дагы жүктөңүз
