Сүрөт баян
Көлдүн суусу кескин тартылып кетти. Булуң-бурчтан тартылган сүрөттөр
Катуу ысыктан жана жаан-чачындын жоктугунан Румыниядагы Амара көлүнүн суусу болуп көрбөгөндөй тартылып кетти. Мунун айынан айыл чарба багытындагы 100 миң гектар жер зыян тартты. Өткөн жумада Румынияда сууну керектөөгө чектөө киргизилди.
Дүйнө жүзүндөгү ар кайсы мамлекеттерде тартылган кызыктуу сүрөттөрдүн топтомун тартуулайбыз.
Ракеталык сокку урулган Харьковдогу элдин абалы
Артем Погорелец 21-июлда орус аскерлери Барабашоводогу базарга урган соккунун айынан набыт болду. Топтолгондор жубайы Сабинаны анын сөөгүнө жолотпой, сооротууга аракет кылышууда.
Эски аянттагы айт намаз
Коронавирус пандемиясына байланыштуу соңку эки жылда айт намазы борбордук мечиттерде окулбай келген. Ошондон бери алгачкы жолу быйыл Орозо айт жана Курман айт намаздары Бишкектин Эски аянтында окулду.
Бүгүн 9-июлда Кыргызстанда Курман айт майрамы белгиленүүдө. Бардык мечиттерде майрамдык айт намазы окулду.
Зордукталган тестиер кыз: сот алдындагы акция
Бүгүн 8-июлда Бишкектин Свердлов райондук сотунда 13 жаштагы кыздын зордукталганы боюнча иш жабык каралды. Сот имаратынын алдында балдарга жана аялдарга карата зордук-зомбулукту токтотуу талабын койгондор акция өткөрдү.
Быйылкы "Акыркы коңгуроо"
Бүтүрүүчүлөрдү толкунданткан учур. Бүгүн өлкөнүн бардык мектептеринде "Акыркы коңгуроо" кагылды.
Бүгүн 9-июнда Кыргызстанда окуу жылы аяктап, өлкө аймагындагы бардык мектептерде “Акыркы коңгуроо” салтанаты өттү. Бул окуу жылы 15-сентябрда башталганы үчүн майрамдык иш-чара адаттагыдан 15 күн кеч белгиленди.
Чектелбеген мүмкүнчүлүктөр: Ар бир аял ажарлуу
Сулуулук сынагынын жеңүүчүсү Сыргайым Абдымитал Кызы.
Балдарды кубанткан майрам
Кыргызстанда 18ге чыга элек 2 млн. 400 миңден ашык бала бар. Алардын жарымынан көбүн (51%) эркек балдар түзөт.
1950-жылдан бери 1-июнь - балдарды коргоонун эл аралык күнү катары белгиленет. Бүгүн бул күндүн урматына Бишкек шаарында жана өлкө аймагында бир катар майрамдык иш-чаралар уюштурулду.
"Самсаны мээрим менен жасаш керек". Мустафанын рецепти
Ош шаарынын тургуну Мустафа Адылжанов жети жылдан бери чакан самсакана иштетет.
Аталардын, апалардын эрдигине таазим (сүрөт баян)
"Өлбөс полк" жүрүшүнүн катышуучулары. 9-май, 2022-жыл.
Эки жылдык чектөөдөн кийин аянтта окулган Айт намазы
Бишкекте Айт намаз таңкы саат 07:30да башталды.
Эки жылдык чектөөдөн кийин Бишкектеги эски аянтта Айт намазы окулду.
Түркүн түстүү Бишкек
Бишкектин так ортосунда жайгашкан Эркиндик бульвары шаар пайда болгондо негизделген. Азыр бул жерде шаардыктар сейилдеп турушат.
Бүгүн, 29-апрелде Бишкек шаарынын негизделгенине 144 жыл болду. Калаа 1878-жылы Пишпек деп түзүлүп, кийин Фрунзе болуп өзгөргөн. Кыргызстан эгемендик алгандан кийин Бишкек болуп аталган. Борбор калаанын түзүлгөн күнүнө карата анын азыркы эки башка абалын чагылдырган сүрөт баян.
Ажайып Кыргызстан: Папандагы сулуулук
Папан суу сактагычы Алай кырка тоосунун Каптар капчыгайында жайгашкан.
Жаз келип, Папан суу сактагычы көркүнө чыккан кези. Күн чайыттай ачылган кезде көл көк-жашыл түскө боёлуп, кайталангыс сулуулукка бөлөнөт.
Таштанды талаасындагы жан чыдагыс абал
Башкы прокуратура Бишкектеги таштанды полигонун рекультивация кылуу жана таштанды иштеткен завод куруу долбооруна байланыштуу төрт кылмыш ишин козгогону белгилүү болду.
Бул тууралуу 1-апрелде Бишкектин прокурорунун орун басары Авазбек Каримов билдирди.
“2018-жылы, 2021-жылы жана быйыл козголгон кылмыш иштери бар. 2018-жылы козголгон кылмыш ишин тергөө аяктап сотко жөнөтүлгөн. Дагы бир кылмыш ишинин алкагында бир адамга айыбы угузулуп издөө жарыяланды. Тергөөнүн купуялуулугу үчүн анын атын атай албайм. Дагы эки кылмыш иши тергелип жатат”, - деди Каримов.
Бишкек шаарына караштуу Санитардык полигон ишканасынын көзөмөлүндөгү шаардык таштанды талаасы учурда оор абалда. Техниканын жетишсиздигинен улам убагында түртүлбөй, сорттолбогон таштандылар белгиленген аймактан чыгып кеткен.
