Сүрөт баян
Бир мектептеги Акыркы коңгуроо
Бүгүн Кыргызстандын мектептеринде Акыркы коңгуроо кагылып, кезектеги окуу жылы жыйынтыкталды. Республика боюнча 2236 мектепте 9-классты128 миң, 11-классты 73 миң бүтүрүүчү аяктап жатат.
Зеленский Харьковдо борбор азиялык журналисттерге маек берди
Украинанын президенти Владимир Зеленский 24-майда Харьков шаарында борбор азиялык журналисттери үчүн брифинг уюштуруп, алардын суроолоруна жооп берди.
Иран президенти Раисинин өлүмү. Дүйнө коомчулугунун реакциясы
Кытай, Бээжин. Көчөдөгү чоң монитордон Эбрахим Раисинин өлүмү тууралуу кабарды көрүп жаткандар..
Кытайдын төрагасы Си Цзинпин Раисинин өлүмүн "кайгылуу окуя" деп сыпаттады. Анын "кытай эли мыкты досунан айрылды" деген сөзүн өлкөнүн Тышкы иштер министрлигинин таратты.
Ирандын президенти Эбрахим Раиси баштаган бир нече аткаминердин тик учак кырсыгында каза тапканына дүйнө коомчулугунда ар кандай реакция болду. "Тегерандык касапчы" атка конгон Раисинин өлүмү кандай кабыл алынды?
Ооганстан: Суу ташкында жүздөгөн кишинин өмүрү кыйылды
Ооганстандын түндүгүндөгү Баглан провинциясын нөшөрлөгөн жаандан кийин суу каптады. БУУнун Азык-түлүк программасынын маалыматына караганда, 300дөн ашуун адам каза тапты, көптөгөн тургун жараланды, миңден көп үй талкаланды.
Куткаруучулар Ооганстандын түндүгүндөгү сел каптаган тоолуу аймактарда аман калгандарды издөөнүү улантууда. Нөшөрлөгөн жаандан кийинки селден бери дегенде 300 киши каза тапты.
Бишкекте Жеңиштин 79 жылдыгы белгиленди
9-майда Бишкек шаарындагы Жеңиш аянтында Экинчи дүйнөлүк согуштун 79 жылдыгына арналган митинг-реквием өттү.
"Кулпунай талаасын суу жууп кетти". Аймактардагы селдин кесепети
Барпы айыл аймагынын Насосный участкасынын тургуну Айдана Мухаммед кызынын үч бөлмөлүү үйүнүн ичи ылайга толуп, дүкөнүндөгү азык-түлүгү сууга аккан. Үйдүн терезесине чейин агып келген суу дубалды жырып өткөн. Өзгөчө кырдаалдар министрлигинин (ӨКМ) 21-апрель саат 23:00гө карата берген маалыматына ылайык, Барпы айыл өкмөтүнүн Курук-Сай айылында болгон сел 45 турак жайдын короолорун жана төрт үйдү каптаган.
Кыргызстандык төрт спортчу Парижге жолдомо утту
Амантур Исмаилов (солдон үчүнчү) Олимпиадага жолдомо утуп алган жапониялык, казакстандык жана өзбекстандык балбандар менен.
Күрөш: Айсулуу, Айпери жана Тайырбек чемпион болду
Айсулуу Тыныбекова 30 жашта. Ал 2013-жылдан баштап (2018-жылды кошпогондо) Азия чемпионатына 11 жолу катышып, баарында тең байге алган. Азия чемпионаттарынан 6 алтын, үч күмүш, эки коло байге уткан.
Оренбургдагы ташкын: сел миңдеген адамдарды көчүрдү
Орусиянын Өзгөчө кырдаалдар министрлиги 5-апрелде Оренбург облусундагы Орск шаарындагы дамба жырылып, аймактагы 600дөй үйдү суу каптаганын билдирген. Орск Оренбург облусундагы көлөмү жагынан экинчи чоң шаар.
Бишкектеги Азия чемпионаты: Кыргызстан эки коло алды
Дүйнө чемпиондору Ахмед Тажудинов менен казак балбаны Ризабек Айтмухан 97 килограмм салмакта финалда беттешти.
19 жаштагы казак балбаны Ризабек Айтмухан былтыр 92 килограмм салмакта дүйнө чемпионатында алтын утуп, Казакстандын тарыхында эркин күрөштөн дүйнө чемпиону болгон биринчи балбан. Ал быйыл 97 килограмм салмакта күрөшуп жатат.
Быйылкы Айт намаз мечиттерде окулду
Бишкек шаарындагы Имам Сарахси атындагы борбордук мечитте бүгүнкү айт намазга 10 миңден ашуун адам чогулган. Бул жолку Айт намаз өлкөнүн бардык аймактарында мечиттерде гана окулду.
Кыргызстанда быйылкы Орозо айт намазы коопсуздук масесинен улам мечиттерде гана окулду. Коомдук коопсуздукту сактоо максатында өлкө боюнча 10 миңден ашуун милиция кызматкери тартылып, мечиттерди кайтарууга алды. Өлкөдө буга чейинки Орозо айт намазы өкмөт үйүнүн алдындагы аянтта окулуп келген.
Казакстанда үйлөрдү суу каптап, эл эвакуация болду
Казакстандын 10 облусу суу каптоо коркунучуна кептелди. Айрыкча Костанай облусунда абал оор. Айрым райондордо өзгөчө кырдаал жарыяланды. Жашоочулар бийликти кырсыктын алдын алууга даярданбаганы үчүн сынга алышууда. ("Азаттыктын" казак кызматынын фотобаяны)
Футбол: Кыргызстан дүйнө чемпионатына чыга алабы?
Кыргызстан курамасынын чабуулчусу Жоел Кожо беттеште үч гол киргизди.
Футбол боюнча Кыргызстандын улуттук курама командасы Кытай Тайбэйин 5:1 эсебинде утту. Оюн Бишкектеги Дөлөн Өмүрзаков атындагы борбордук стадиондо 26-мартта өттү. Оюндагы голдорду Кыргызстан тараптан Жоел Кожо (үч гол), Християн Браузман, Кими Мерк жана Кытай Тайбэйи тараптан У Ен-Шу киргизди.
Сулайман-Тоонун көркүн ачкан көктөм
Жаз келип, Оштогу Сулайман-Тоого сейилдегени чыккандар көбөйдү. ЮНЕСКОнун Дүйнөлүк маданий жана жаратылыш мурастарынын тизмесиндеги Сулайман-Тоонун көркүн ачкан өрүк гүлдөрү жана табияттан ырахат алып жүргөн тургундарды “Азаттыктын” кабарчысы сүрөткө тартып келди.