Чоочун коңшуну тегине карап иргебейличи, туугандар!
Коңшу-колоңду этностук тегине карап жерибеш керектигин италиялык элдик юмор азил менен чагылдырат. "Күлкү кербенинин" кезектеги шиңгили.
Италиялык бир кафеде дубалга илинген көрнөктө мындайча сөз жазылыптыр:
"Ыйса Машаяк - жөөт, айдаган унааң - немистики, сыналгы аспабың - жапондуку, акчаң - АКШныкы, өзүң жашап жаткан демократияң - гректики, ичип жаткан кофең - бразилдики, эс алуу үчүн самсып барган жээгиң - түрктүкү, жазып жаткан сандар болсо - араптыкы.
Мындай болуп жаткан соң, неге сенин коңшуң башка улуттан болбоого тийиш?"
