Күлкү кербени

2014-жылкы Сочидеги Кышкы Олимпиадага Түркмөнстандан спортчулар катышкан жок.

Мындан улам түркмөн калкы 1980-жылкы Москва Олимпиадасын эскеришти. Ошол жылы Батыштын бир катар мамлекеттери талаш-тартыштуу саясий кадамга барып, “кансыз согуш” доорунун илеби менен бул олимпиадага бойкот жарыялашкан.

1980-жылы Москва Олимпиадасына советтик Түркмөнстандан да эч бир спортчу катышкан эмес.

Ошондо Түркмөнстанда таркаган азил жоромол:

- Дүйнөдөгү империалисттик жана капиталисттик мамлекеттер Москва Олимпиадасына баруудан баш тартышты. Алардын арасында капиталисттик Түркмөнстан да болду.

Дал ошол анекдот кеңири таркагандан кийин коммунисттик Түркмөнстанда өз алдынча Дене тарбия жана спорт институту ачылган дешет.



* * * * * * *

краиндер соңку он жыл бою күлкүгө бута кылган тема – өздөрүнүн учурдагы мамлекет башчысы Виктор Янукович.

* * * * * * *


– Сиз ким үчүн добуш берген жатасыз?
– Янукович үчүн…
– Э, чынын айткыңыз келбесеңиз, айтпай эле коюңузчу…


* * * * * * *


– Витёк, сен Украинаны башкара аласыңбы?
Янукович эсептегичти (калькуляторду) колуна алып, эсептеп көрүп:
– Албетте!
– Ал эми Американычы?
Янукович кайрадан калькуляторду колуна алып:
– Башкара алат экенмин!
– А Кытай болсочу?
Көпкө дейре эсептеген соң:
– Жо-ок, башкара албайт экенмин!
– Эмне үчүн?
– Донецкиден келген колдоочуларым аздык кылып калат экен...


* * * * * * *


– Януковичти Майданга келип, митингчилер менен саламдашып, чатырлардын бирине башпагып чай ичкени үчүн көбү кадырлап калышты.
– Туура, ал башпагып кеткен чатырга кийинчерээк «Януковичтикиндеги чайкана» («Чайная у Януковича») деп көрнөк илип коюшуптур дешет ко.


* * * * * * *

2005-жыл. Украинада ЖОЖго кирүү сынагы болуп жатат. Окутуучу абитуриенттен сурап кирди:
– Кана, айтыңызчы, жигит, өлкөбүздө багыттоочу жана жетекчи күч кайсы?
Улан көзүн бакырайтып, башын чайкады.
– Аймактар партиясы (Партия Регионов) деген партия бар экенинен кабардарсызбы?
– Уккандай болдум окшойт...
– Ал эми Украинанын президенти ким?
– Жок, билбейт экенмин.
– Болуптур. Деги, Виктор Федорович Янукович деген киши кайсы кызматты аркалап жатат, билесиңби?
– Ошондой да киши барбы? Атын биринчи угушум.
– Өтө таң калычтуу. Деги Сиз каяктан келдиңиз эле, жигит?
– Ухрюпинка деген жерден.
Профессор үшкүрүнүп алды:
– Атаганат, мен дагы ошол жакта жашасам сонун болмок экен! Сиздин Ухрюпинкаңыздагылар кандай бактылуу!..


* * * * * * *


Эки шайлоочу тыйын ыргытып, талапкерди аныктап калышты: «Тыйын сан жагы өйдө карап түшчү болсо – Ющенко үчүн добуш беребиз; эн тамга жагы болсо – бардыгына каршы добуш беребиз; кабыргасынан сайылып калса – добуш берүүгө эч катышпайбыз; кокусунан абада калкып кала берсе – Янукович үчүн добуш беребиз»…


* * * * * * *


Виктор Янукович өлкөнү ар кандай шылуундар ээн-эркин талап-тоногонуна эч жол бербестигин баса белгиледи. Украина калкы муну менен ким алектениши керектигин шайлоодо так кесе чечип берди да!


* * * * * * *

Украинанын БШКсы Ющенко менен Януковичти чакырып, шайлоо өнөктүгүндө жумшалган каражаттарынын булагын тастыктоону талап кылды.
Ющенко:
- Сиз Майданга чогулган жүз миңдеген кишилерди көрдүңүзбү?
– Ооба.
— Ошолордун ар бири ортого он гривна таштады эле, жетиштүү каражат топтолуп калды.
Янукович:
– Сиз Днепр дарыясында курулган жаңы көпүрөнү көрүп жатасызбы?
– Жок, эч бир жаңы көпүрөнү көрө албадым.
– Дал ошол жаңы көпүрөнүн эсебинен шайлоо өнөктүгүнө акча топтодум.


* * * * * * *


"Интер" сыналгы каналы президенттик шайлоонун экинчи айлампасында Виктор Ющенко утуп чыккандыгын этияттык менен жарыя кылды:
"Добуш берүүнүн жыйынтыгында премьер–министр Виктор Янукович экинчи орунга алдыга озуп чыкты; ал эми атаандашы Виктор Ющенко – артынан санаганда экинчи орунда калды".

(Интернеттеги ар кыл барактардан алынды).