Токойчулар Чүйдүн Кегети капчыгайында кызыл карагайларды курт каптап, кууратып жатканы үчүн четинен кыйууда. Бул токойдун калган бөлүгүн сактап калуунун аргасыз чарасы.
Бишкек-Ош каттамындагы учакта бараткан айрым жүргүнчүлөр дем ала албай, эс учун жоготкону айтылууда. Окуя боюнча ички иликтөө жүрүп жатат. Украинада ракета, дрон чабуулунан 20 киши набыт болуп, жүздөй киши жарат алды. Бишкек шаардык кеңешинин мурдагы депутаты Жаныбек Асанбеков президентке кайрылды.
Бишкекте электромобилдерди кубаттаган станцияларды орноткон ишкерлер мэриянын чектөөсүнө кабылып жатканын айтып даттанууда. Алардын айтымында, мындай станцияларды курууга талап жогору экенине карабай мэрия уруксат бербей жатат. Калаа бийлиги бул чектөөлөр убактылуу экенин билдирүүдө.
Умуганда - Руандада 32 жыл мурун болгон геноциддин кесепеттерин жоюп, жүз миңдеген киши өлгөн ал кандуу окуялардан коомду айыктырууга салым кошчу аракеттердин бири. Руанда тилинен которгондо Умуганда — коомго кызмат кылуу деген эле сөз.
Кыргыз-Түрк «Манас» университетинин кампусун кесип өтчү жаңы жолду ачууну көздөгөн Бишкек мэриясынын демилгеси кызуу талкууга түштү. Мэриянын мындай демилгесине университеттин студенттери, бүтүрүүчүлөрү, айрым шаар тургундары каршы чыгууда.
Кыргызстанда кургакчылык, сугат суунун тартыштыгы дыйкандардын негизги көйгөйүнө айланды. Изилдөөлөргө ылайык, климаттык оош-кыйыштын кесепети ириде айыл чарбасына тиет. Адистер мындан улам келечекте азык-түлүк жана суу коопсуздугуна байланыштуу курч маселер жаралышы ыктымалдыгын эскертишет.
Токойчулар Чүйдүн Кегети капчыгайында кызыл карагайды курт каптап, кууратып жатканы үчүн четинен кыюуда. Бул токойдун калган бөлүгүн сактап калуунун аргасыз чарасы. Ага кошул-ташыл күндүн катуу ысып жатышы дагы токойду четинен кемирип жеген зыянкечтерди көбөйтүүдө.
Союз учурунда Жалал-Абаддын Чаткал районундагы Сумсар, Шакафтар айылдарында коргошун, уран казылып турган. Жабылган кендердин уулуу калдыктары жарым кылымдан бери толук зыянсыздаштырылбай турат.
Бекжан Кубанычбек уулу Ысык-Көлдүн түбүндөгү таштандыны өз ыктыяры менен тазалаган суучул. Тереңден тапкан таштандыларды видеого тартып, соцтармактагы ecodive_kg баракчасына жарыялап турат.
Кыргызстанда 1992-2023-жылдар аралыгында абанын орточо температурасы 1,3 градуска көтөрүлдү жана жакынкы жылдары дагы жогорулашы мүмкүн. Мындай климаттык оош-кыйыштын айынан өлкөдө жер көчкү, сел өңдүү табыгый кырсыктар дагы көбөйүшү ыктымал. "Азаттыктын" даректүү тасмасы.
Жогорку Кеңештин депутаты Курманкул Зулушев мандатын тапшырды. Башка бир депутат Шаирбек Ташиев Ички иштер министрлигине сурак берип жатканы кабарланды. Укук коргоочу Төлөкан Исмаилова менен эколог-активист Бермет Бөрүбаева милицияга сурак берип чыгышты. Жакынкы Чыгышта кырдаал курч бойдон калууда.
Дагы жүктөңүз
