Израилдин бийлиги шаршембиде Газа шаарынан чыгып кетүүнү эскерткенден кийин миңдеген киши анклавдын түштүгүнө агылды. Айрымдары согуш башталгандан бери ушуну менен 20-30 жолу жер которууга аргасыз болду. Бир катар өлкөлөр ЦАХАЛдын анлкавдын ири калаасын басып алуу аракетин сындашууда.
Президент Садыр Жапаровдун тапшырмасы менен "Ош Сити" шаарчасынын курулушун комиссия текшерип келди. Бул тууралуу президенттик администрациянын маалыматтык саясат бөлүмүнүн башчысы Дайырбек Орунбеков билдирди. Ал комиссия курулуш өз нугунда кетип жатканын аныктаганын айтты.
Кыргызстанда Жогорку Кеңештин төрагасы Нурланбек Тургунбек уулу парламенттин өзүн таркатуусу боюнча демилгени колдой турганын билдирди.
Президент Садыр Жапаров 16-сентябрда Ош шаарынын мэри Жеңишбек Токторбаевге катуу сөгүш берди. Президенттин администрациясы тараткан маалыматта сөгүшкө мэрдин кайсы аракети негиз болгону көрсөтүлгөн эмес. Өкмөттөгү айрым булактар муну мэрдин "Ош-Ситидеги" жүрүм-туруму себеп болгонун билдиришти.
12-сентябрь күнү Чүйдүн Ак-Бешим айылында эки баласын өлтүрүүгө шектелип алардын энеси кармалды. Беш баласы бар 34 жаштагы аял учурда тергөө абагында. Бул үрөй учурган окуянын себептери учурда талкууга түшүп, көпчүлүк ар кыл суроолорго жооп издеп жатат.
Израилдин армиясы Газа шаарын бомбалоону күчөттү. Палестин расмий адамдары билдиргендей, жекшембиде кеминде 30 турак жай талкаланды, миңдеген киши үйлөрүн таштап кетүүгө мажбур болду. Ошол эле күнү АКШнын Мамлекеттик катчысы Марко Рубио Израилге барды.
Жогорку Кеңештин айрым депутаттары мамлекет ишкерлерге басым жасап, менчик укугу тепселенип жатканын айтып чыгышты.
Орусиянын Билим берүү жана илим тармагын көзөмөлдөгөн федералдык кызмат чет элдик мигрант балдардын 87,5% мектепке кабыл алынбаганын маалымдады.
Жогорку Кеңештин мурдагы депутаты Султанбай Айжигитов өзүнүн иши боюнча алгачкы эки соттук отурумга жактоочусу жок катышты. Ал келишим түзгөн адвокат бул иш саясий болгондуктан акыркы сааттарда баш тартканын билдирди.
Орусия менен Беларус 12-сентябрда «Запад-2025» деп аталган аскердик машыгуусун баштады. 7-8 миңдей аскер катышкан иш-чарада өзөктүк курал жана «Орешник» баллистикалык ракеталарды колдонуу планы боюнча иштөө каралууда.
Транспорт жана коммуникациялар министри Абсаттар Сыргабаевдин бир тууган инисинин компаниясы балык чарба куруу үчүн мамлекеттин кепилдиги менен 5,3 млн доллар насыя алып жатат. Парламенттик комитет өкмөттүн ал тууралуу чечимине макулдук берди.
11-сентябрда «Эркин Европа/Азаттык» радиосунун журналисти Игорь Лосик Беларуста беш жылдан ашуун абакта отургандан кийин бошотулду. Лосик түрмөдө оор шартта кармалып, анын үй-бүлөсү, жакындары да Беларус бийлигинин куугунтугуна кабылган.
Дагы жүктөңүз
