Кыргызстандагы бир нече саясатчы күзүндө боло турган президенттик шайлоого катышаарын жарыялап, алдыртан даярдык көрө баштады. Ал эми мамлекет башкарууга аттанам деген аялдардын алигиче үнү угула элек.
Кыргызстанда бизнеске аралашкан айымдардын катары калыңдоодо. “Аялзат” берүүсүндө ишкер аялдардын жетишкен ийгиликтери, кабылган тоскоолдуктары тууралуу сөз болот.
Соңку кезде Түркияга иш издеп кетип сексуалдык кулчулукка кабылган кыргыз кыздары тууралуу көп айтылууда. Өткөн жыл этегинде Анталияда сабалып, жол жээгинде эс учун жоготуп жаткан кыргыз кыз учурда ооруканада оор абалда жатат.
Кыргызстандык кыз-келиндер Түркияда тейлөө, үй кызматтарында жана туристтик гид болуп эмгектенишет. Тилекке каршы кыргыз мигранттар оор жумуштарды аткарып, кордолгон күндөргө да туш болушат. Ошондой эле жеңил акча табууга алданып барып, сексуалдык кулчулукка туш болгон учурлар аз эмес. Азаттыктын “Аялзат” түрмөгүндө бүгүн Түркияда иштеп жүргөн кыргызстандык кыз-келиндер тууралуу сөз кылабыз.
Кыргызстанда аялдар укугу жаатындагы уюмдардын байкоосуна ылайык, айрым ата-энелер материалдык абалы жакшы күйөө бала табылса кыздарынын жаш курагына карабай турмушка берүүнү каалашат. Адистер ушул сыяктуу көрүнүштөрдөн улам өлкөдө секелектерди күйөөгө узатуу тыйылбай келет дешет. Бирок ошол эле учурда социалогдор бойго жеткен кыздардын жар тандоодо түшүнүктөрү өзгөргөнүн айтышат. Болочок күйөө тандоодо кыздар жигиттин материалдык абалына көбүрөөк көңүл бурушат деген талаштуу пикир бүгүн деле актуалдуу.
Кыргызстанда улгайган аялдар көбүнесе үйдө небере багат же чарбачылык менен алектенип, коомдук иштерге мурдагыдай активдүү катышпай, оолактай баштайт. Айрымдары болсо ишке жараксыз болуп калганда өз балдарынын эле зомбулугуна учурап калган учурлар да арбып бара жатат.
Нью-Йорктогу мода жумалыгында 2017-жылдын жазгы коллекциясын көрсөтүүдө хижабдын түркүн түсү чыгып, тарыхта алгач ирет кийимдин бул стили дүйнөлүк мода айдыңына кирди. Ал арада Кыргызстанда хижаб кийген кыз-келиндер барган сайын көбөйүүдө.
Соңку кездери кыз-келиндер катышкан чыр-чатактар тууралуу маалыматтар көбөйдү. Акыркылардан болуп ичкилик ичкен абалында Алматы − Куала-Лумпур багытындагы учакта чатак чыгарып, жүргүнчүлөрдү бейпайга салган кыргызстандык селки тууралуу видеотасма интернет желесинде кызуу талкууланууда.
Элзада Муминова 2004-жылы 15 жашында Казакстанга чала тааныш үй-бүлө менен барып, күңдүккө сатылып кеткен. 13 жылдык азаптуу өмүрү тууралуу ал өзү "Азаттыктын" студиясына келип айтып берди.
Дагы жүктөңүз
