Эки тараптуу кызматташтык жана ШКУ саммитинде каралчу маселелер талкууланды. (Улан Асаналиев)
Бишкекте ШКУнун 13-саммити башталды. Ага тогуз өлкөнүн президенттери, Индиянын тышкы иштер министри, Пакистандын премьер-министринин кеңешчиси катышты.
Шанхай кызматташтык уюмунун Бишкектеги саммитин чагылдыруу үчүн “Ак кеме” мейманканасындагы маалымат борбору иштеп жатат. Эки экран аркылуу саммит өтүп жаткан "Ала-Арча" резиденциясынан түз эфир көрсөтүлүүдө. Саммитти чалгылдыруу үчүн 400дөн ашуун журналист каттоодон өткөн. Тышкы иштер министрлигинен кабарлашкандай, алардын 350ү чет өлкөлүк жана 100дөн ашууну жергиликтүү кабарчылар. (Улан Асаналиев)
Бишкекте өтчү саммитке Шанхай кызматташтык уюмуна мүчө мамлекеттерден сырткары БУУ, КМШ, ЖККУ жана ЕвразЭС өкүлдөрү катышат. ШКУга мүчө мамлекеттердин башчылары Бишкекке кечээ келишти. Саммитке уюмга байкоочу мамлекеттерден Ооганстандын, Монголиянын жана Ирандын президенттери, Индия менен Пакистандын тышкы иштер министрлери катышат.
13-сентябрда өтчү ШКУ саммитине катышуу үчүн бейшембиде Бишкекке Ирандын, Ооганстандын, Монголиянын, Тажикстандын, Өзбекстандын жана Казакстандын президенттери келди. Кадырлуу коноктордун баарын "Манас" аба майданынан премьер-министр Жантөрө Сатыбалдиев тосуп алды. Кытай төрагасы Бишкекке эки күн мурда келген. Орусия президенти Бишкекке түн ичинде келээри күтүлүүдө.
ШКУнун Бишкек саммитинин алкагында 12-сентябрда Кыргызстандын президенти эки тараптуу жолугушууларды өткөрдү.
Эртең Бишкекте Шанхай кызматтык уюмунун саммити өтөт. Анда уюмга мүчө мамлекеттер Сирия менен Ооганстандагы абал тууралуу позициясын билдирери маалым болду. Бирок андан жыйынтык чыгабы? Бул тууралуу суроолорго тарых илимдеринин доктору Зайнидин Курманов жооп берди.
Бишкекке эртең өтчү Шанхай кызматташтык уюмунун саммитине катышчу өлкө башчылары четинен келе баштады.
ШКУ саммитине катышуу үчүн Ирандын президенти Хасан Роухани менен Ооганстандын башчысы Хамид Карзай Бишкекке келди.
Кыргызстан менен Кытайдын алака-катышы жаңы деңгээлге чыгып, Бээжин Бишкекке 3 миллиард доллардан ашык инвестиция сала турган болду.
Кытай лидеринин Кыргызстандагы мамлекеттик сапары тууралуу суроолорго биринчи вице-премьер-министр Жоомарт Оторбаев жооп берди.
Кыргызстанда Шанхай кызматташтык уюмунун саммити учурунда коопсуздук чаралары күчөтүлөт. Ички иштер министринин орун басары Бактыбек Жусубалиев бул күндөрү кайсы жолдор жабылып, шаар тургундары кандай эрежелерди эске алуусу керектиги тууралуу айтып берди.