Асанбек Жакыпбаевдин колунан чыккан эмгектер дүйнөнүн кыйырына чейин тараган. Ал кадимки кайберендин мүйүзүнүн жонуп отуруп, ушундай жаныбарлардын сөлөкөтүн чыгарат. Устанын эмгектери көлөмүнө жана жасалгасына жараша 1000 сомдон 5000 сомго чейин бааланат.
Тойдо ырчы жана музыкант катары кызмат кылган Адилет Жумабаев карантинде ишсиз калган. Ошондон улам Бишкектин “Жашылдандыруу” чарбасында иштеп жатат. Адилет карантинде көпчүлүк өнөр адамдар ишин алмаштырууга аргасыз болгонун айтат.
Саламаттын кажыбас кайратын, балалык кыялын орундатууга болгон далалатын колдогон мекендештери анын бутуна протез алганга каражат топтой башташты.
Пандемия миллиондогон адамдарды үйгө камап, театрлар, музейлер, кинотеатрлар, концерттик залдар жабылды. Бирок ошол эле маалда карантин маданий жайларды жаңы багытта иш алып барууга жол көрсөттү.
Карантин түрдүү кесиптеги адамдардын колу-бутун бууп, жумуш кылдырбай, бекерчиликтен тажатканы бүгүн көпчүлүк кыргызстандыктарга тааныш.
Айпери Кудайбергенова Бишкектеги президентинин жана өкмөтүнүн иш башкармасынын клиникалык ооруканасынын медайымы. Былтыр кышта Эл артисти Элмирбек Иманалиев да ушул жерде дарыланып жатканда Айпериге "өнөрүңдү өркүндөтүп, өз кесибиңди таштабай аркала" деп акыл айткан.
Белгилүү акын, Кыргыз маданиятына эмгек сиңирген ишмер, «Азаттык» радиосунун журналисти Зайырбек Ажыматовду санаалаштары, кесиптештери, маданият өкүлдөрү жоктоп, эскерип жатышат.
Кыргызга аттын кашкасындай таанымал акын, «Азаттык» радиосунун кабарчысы Зайырбек Ажыматов 29-апрелде 44 жашында дүйнөдөн кайтты. Акындын артында жубайы, эки уул, эки кызы калды.
Кадамжайдын тоо арасындагы Шыбыран айылында айдоо жери тартыш, жумуш жок. Бирок айылдыктар кол куушуруп отуруп калбай бош убактысында камыш токушат. Жергиликтүү эл аны "чий" деп атап алышкан. Жоондугу эле болбосо, камыштын кадимки чийден айырмасы жок. Кийиз кылганга да жарайт.
Көп кырдуу таланттын көрөңгөсү, чыгармаларынын экинчи өмүрү тууралуу “Азаттыктын” журналисттери, эл акыны Шайлообек Дүйшеев менен маданиятка эмгек сиңирген ишмер Бурулкан Сарыгулова маектешти.
Төкмө акын, комузчу, Эл артисти Элмирбек Иманалиевди акыркы сапарга узатуу анын Бишкектин Туңгуч районунда жайгашкан үйүнүн алдында өттү.
Кыргыз менен казакка таанымал төкмө акын, комузчу, Эл артисти Элмирбек Иманалиев 20-апрелде кечинде 42 жашында мезгилсиз дүйнөдөн кайтты. Акындын өлүмү анын жакындары жана күйөрмандары үчүн күтүүсүз сокку болду. Жамы журт сыздап, сөз баккан адамдардын ичи ачышып турган кез.
Дагы жүктөңүз
