25-апрелде Кыргызстанда салттуу музыка күнү белгиленди. Аталган майрам быйыл 18-жолу өткөрүлүп жатат. Ага Казакстан, Түркия, Өзбекстан, Азербайжан, Орусиянын Алтай жана Тыва Республикаларынын өкүлдөрү катышты.
Кыргыз Республикасынын эл артисти, ак таңдай акын Элмирбек Иманалиевдин акка моюн сунганына 20-апрелде эки жыл болду. Иманалиев акындык, обончулук өнөрүнөн сырткары өлкөдөгү орчундуу окуяларда атуул катары өз позициясын билдирип келген.
Жаш түгөйлөр Нурсултан Кадыр уулу менен Зульфия Жумалиева Шаршен Термечиков атындагы Чүй облустук театрынын актёрлору. Жубайлар театрдан алган 7 миң сомдун тегерегиндеги маянасы менен турмуш арабасын сүйрөп келе жатышат. Таланттуу үй-бүлөнүн күнүмдүк турмушу менен тааныштырабыз.
29 жаштагы Бактыгүл Рыспай кызы Бишкектеги ишин таштап, Жумгал районунун Чаек айылына кайтып келген.
27-марттан бери Улуттук кыргыз драма театрында белгилүү драматург Жалил Садыковдун “Манастын уулу Семетей” драмасынын негизинде даярдалган “Төлгө” спектакли көрсөтүлүүдө.
Жумгалдагы Чаек айылынын 12 жаштагы тургуну Нуражар Муслимова тайганчылык өнөргө кызыгат. Азыр анын төрт тайганы бар. Эки жылдан бери облуста өткөн салбуурун мелдештерине күлүк тайгандарын катыштырып, биринчиликти эч кимге бербей келүүдө.
Жыгач уста Улукбек Байгараев талаа түздөн таап келген тал-теректер менен жаныбарлардын сөлөкөттөрүн жасайт. Ал эмгектери аркылуу жаратылышта болуп жаткан көйгөйлөрдү чагылдырып, аны коргоого чакырат.
Жумгал районунун Кызыл-Жылдыз айылындагы орто мектептин 10-классынын окуучусу Адил Эмилбек уулу түтүн менен сүрөт тартат. Ал өзүнүн эмгектери менен элди экологияны сактап, жаратылышка аяр мамиле кылууга үндөйт.
Кыргызстандык талантуу үй-бүлө мүчөлөрүнөн түзүлгөн "Salt peanuts" аттуу жаз тобунун “Ата-бала” аталышындагы музыкалык альбому жарык көрдү. Топтун негиздөөчүсү Бакыт Кыдыкбаев жана анын уулдары Эркин, Кубан Кыдыкбаевдердин эмгеги Грэмми сыйлыгынын лауреаты, дүйнөдөгү легендарлуу жаз музыкасынын өкү
Уланбий Абдрахимов Жалал-Абаддагы Базар-Коргон райондук маданият үйүндө жетекчи катары иштеп жатканына бир жыл болду. Бул аралыкта ал чакан музей уюштуруп, үн жаздыруу студиясын ачып, 20дай китепти аудиолоштурду. Жаш жетекчинин бир күндүк иши менен таанышып келдик.
Ошто көзү азиз Нурбек Жаниев массажист болуп иштейт. Бир нече жыл мурда жубайы оорудан каза болуп, ушул тапта ал балдарынын түйшүгүн жалгыз тартып келе жатат. Балдарынын келечегин ойлогон ата алардын жакшы мектепке киргизип, татыктуу билим берүү аракетинде.
Тасмаларда көп учурда терс каармандын ролун ойногон актёр, сүрөтчү Садыр Сагынбаев бир канча жылдан бери устачылык менен да алектенип келет.
Дагы жүктөңүз
