Ош шаарындагы үйлөрдүн биринде түн ортосунда чыккан өрт бир үй-бүлөдөн алты кишинин өмүрүн жалмады. Кырсык болгон жерде Өзгөчө кырдаалдар министрлиги, Ош шаарынын мэри жана укук коргоо органдары иштеп жатат. Президент Садыр Жапаров кырсыктан жабыркагандардын жакындарына жардам көрсөтүлөрүн билдирип, Өзгөчө кырдаалдар министрлигине жана тийиштүү мекемелерге өлкөдө өрттү алдын алуу иштерин күчөтүүнү тапшырды.
Кырсык
Өткөн айда орусиялык альпинист Наталья Ногавицинанын Жеңиш чокусунда бутун сындырып алып, 7200 метр бийиктикте калып кеткен окуясы кыргыз тоолорундагы альпинизм, андагы тагдырлар тууралуу кызыгууну күчөттү. Бул жолу “Данистеде” постсоветтик чөлкөмдөгү жети миң метрден жогорку беш чокунун үчөө жайгашкан Кыргызстанда альпинизмге байланыштуу кандай окуялар болгонун тизмектегенге аракет кылдык.
