БШК төрайымы Клара Кабилова өлкөдөн чыгып кетишин президенттин уулу Максим Бакиев тарабынан жергиликтүү кеңештерге шайлоо алдында жасалган кысым менен байланыштырды. Кабилованын мындай билдирүүсүн жана видеотасманы оппозиция бүгүн уюштурган маалымат жыйынында жарыя кылды.
Айгүл Жунушалиева, Бишкек Кечээ, 16-сентябрда Акыйкатчы институтунун алдындагы жаштардын жана студенттердин укуктарын коргоо боюнча кеңешмеси “Мен ишенбейм” акциясынын катышууучуларын камакка алгандар жоопко тартылуусу керек деген сунуш менен чыгышты. Кеңешме мүчөлөрүнүн пикиринде, мындай демилге жаштарга карата репрессиялардын мындар ары кайталанбашы үчүн көтөрүлүүдө. Демилгени Акыйкатчы Турсунбек Акун дагы колдоорун билдирди.
“Алиби” гезитинин мурдагы баш редактору, учурда “Ачык саясат” гезитин чыгарып жаткан Бабырбек Жээнбековго белгисиз адамдар тарабынан коркутуп-үркүтүүлөр уланууда. Бул тууралуу ал бүгүнкү маалымат жыйынында билдирди. Ошондой эле “Ата Мекен” партиясы “Алиби” гезитинин мурдагы баш редактору, партиянын мүчөсү Бабырбек Жээнбековдун шаардык кеңештин депутаттыгына талапкер катары кол тийбестик макамына карабастан мыйзамсыз камакка алган милиция кызматкерлеринин ишине байланыштуу прокуратурага кайрылмакчы. Кепти кабарчыбыз Замира Кожобаева улантат.
Талкууну уюштурган Бурулкан Сарыгулова, Бишкек “Азаттыктын” таңкы түз ободогу тегерек үстөл талкуусуна жабылып калган “Алиби” гезитинин, жаңы чыга баштаган “Ачык саясат” гезитинин баш редактору Бабырбек Жээнбеков, Кыргыз өкмөтүнүн жалпыга маалымдоо каражаттары боюнча сектор башчысы, Басма сөз эркиндиги фондунун байкоочулар кеңешинин мүчөсү Болот Жумабаев жана “Кыргыз туусу” гезитинин мурдагы редактору, юридика илимдеринин кандидаты Жедигер Саалаев катышты.
“Алиби” менен “Ачык саясат” гезиттеринин баш редактору, Бишкек шаардык кеңешине депутаттыкка талапкер Бабырбек Жээнбеков камактан бошотулду. “Азаттыкка” берген маегинде ал, тергөөчү Туратбек Байчаев аны сотко жеткирбей эле бошотуп жиберүүнү чечкендигин, аны камоого жогору жактан көрсөтмө болгонун айткандыгын билдирди. Ошондой эле ал өзүнүн камалышын кысым көрсөтүү, коркутуп-үркүтүү катары баалады. Бишкек шаардык ички иштер башкармалыгынын тергөөчүсү подполковник Туратбек Байчаев болсо “Азаттыктын” суроолоруна жооп берүүдөн баш тартты.
9-сентябрда кечке жуук “Алиби” гезитинин мурунку башкы редактору Бабырбек Жээнбеков Ички иштер министрлигинин Бишкек шаардык башкармалыгы тарабынан кармалып, тергөө абагына камалды. Оппозиция Жээнбековдун камакка алынышын кескин айыптап, аны сөз эркиндигин муунтуу жана коркутуу катары мүнөздөдү. Ал эми бийлик Жээнбеков тергөө ишине тоскоол жасайт, ошондуктан кармалды деген пикирди айтууда.
Маектешкен Аманбек Жапаров, Бишкек Кыргызстандыгы оппозициялык маанайдагы маалымат каражаттарын тескөө күч алгандыгы тууралуу сөздөр учурда байма-бай айтылууда. “Алиби” жана “Де-факто” гезиттери кириптер болгон сот иштери, андан соң салынган айып пулдар бийликти сындаган башка эркин маалымат каражаттарына да берилген сабактай сезилет. “Алиби” гезитинин баш редактору Бабырбек Жээнбеков ал ээлик кылган гезитке карата бийликтин кысымы тууралуу “Азаттыктын” таңкы маегинде сөз кылды.
Апта башында көз карандысыз “Де-факто” гезитинин баш редакторуна каршы козголгон ишти Биричи май райондук соту Бишкек шаардык прокуратурасына кайра тергөөгө жиберди. Ушул эле аптада Биринчи май райондук соту гезитти дагы 2 миллион сом доого жыккандыгы маалымдалды.
Маектешкен Аманбек Жапаров, Бишкек Качкын Булатовго “Де-факто” гезитине жарыяланган чуулуу макаланы жазууну уюштурган деген айып тагылды. Ага Биринчи Май РИИБ тарабынан кылмыш-жаза кодексинин отузунчу жана 329-беренесинин негизинде айып коюлган. Качкын Булатов буга чейин “Де-факто” гезитине карата козголгон кылмыш иши боюнча күбө катары өтүп келген. “Азаттыктын” таңкы түз обосунда “Эр айдоочу” коомдук уюмунун жетекчиси Качкын Булатов кабарчыбыздын суроолоруна жооп берди.
28-июлда Биринчи май райондук соту “Де-факто” гезитинин баш редактору Чолпон Орозобекова менен “Эр айдоочу” коомдук уюмунун башчысы Качкын Булатовго каршы козголгон кылмыш ишин кайра тергөө үчүн Бишкек шаардык прокуратурага кайтарды. Ушул эле күнү “Де-факто” гезитине жарандык негизиндеги эки арызга ылайык Биринчи май райондук соту тарабынан 2 миллион сом айып салынгандыгы маалымдалды. Июнь айынын ортосунда Бишкек шаардык прокуратура “Де-факто” гезит атайылап жалган маалымат таратты деген негиз менен кылмыш ишин козгогон болчу.
Биз азыр ички иштер министринин түштүк аймагы боюнча орун басары Жеңиш Жакыповду кепке тартмакчыбыз. Маегибиз Оштогу буюртма өлүмдөр, анын ичинде журналист Саиповго байланышкан кылмыш ишинин тергелиши туурасында болмокчу. Маекти Оштон кабарчыбыз Алишер Токсонбаев алып барат.
Маектешкен Бекташ Шамшиев “Де Факто” гезитине каршы ачылган кылмыш ишине байланыштуу Коомдук парламенттин мүчөсү Качкын Булатов 48 саатка камакка алынып, 4-июлда абактан чыгарылды. Эркиндикке чыккан соң укук коргоочу “Азаттык” үналгысына келип талаштуу иштин чоо-жайын баяндап берди.
Дагы жүктөңүз
