Бүгүн Биринчи май райондук соту А.Атамбаевдин БШКга каршы берилген доо арызын карап, Бишкек, Ош шаардык шайлоо комиссияларынын курамын өзгөртүү боюнча БШКнын аракетинде эч кандай мыйзам бузуулар жок деп тапты. Атамбаев БШК менен соттошуп аткан учурда президенттикке дагы бир талапкер Н.Мотуев аны үгүт жүргүзүү тартибин бузду деп айыптап сотко арыз жазып, президенттик жарыштан чыгаруу талабын коюуда.
1-июлда жаштардын “Мен ишенбейм" кыймылы Бишкектеги "Ала-Тоо" аянтында таза шайлоого чакырган акция өткөрдү. Ага элүүдөй адам чогулуп, президенттик шайлоодо көз боемочулук, ыплас технолиялардын колдонулушуна жол бербөөгө чакырышты.
Президенттике талапкер Алмазбек Атамбаевдин түштүк жергесинде жолугушуулары бүгүн Баткенде жыйынтыкталды. БЭКтин талапкеринин облус борборундагы шайлоочулар менен жолугушуусу бийлик тарап менен оппозицияга тарапкер аялдардын чыры менен коштолду.
Мурдагы тышкы иштер министри, “Акыйкат үчүн” кыймылынын жетекчиси Аликбек Жекшенкуловдун ишин кароону Бишкектин Биринчи Май райондук соту 3-июлга которду. Айыпталгандардын жактоочулары толук болбой жаткандыктан сот бул ишти кароону улам которуп жатат. Тышкы иштер министри кызматынан кеткенден кийин оппозицияга оогон Аликбек Жекшенкуловго аталган министрликтин имаратын оңдоого ашыкча каражат сарптаган жана түркиялык ишкердин өлүмүнө катышы бар деген айып коюлууда.
“Асман пресс” гезитинин 24-санында БЭКтин президенттикке бирдиктүү талапкери А.Атамбаев Ала-Бука районунда эл менен мас абалында жолукту деген макала чыкты. Жогорку Кеңештеги СДПК фракциясынын лидери Бакыт Бешимов А. Атамбаев Ала-Букада болгон эместигин белгилеп, гезит маалыматын төгүндөп чыкты.
Бириккен оппозициянын президентикке талапкери Алмазбек Атамбаев Ош жергесинин шайлоочулары менен жолугушуусун улантууда. Ал Кыргызстандын түштүк борборундагы кездешүүдө өзүнүн жана үй-бүлөсүнүн өмүрү коркунучта турганы жарыя кылды. Ошондой эле СДПдан Жогорку Кеңешке депутат болгон Руслан Шаботоевдин эбак өлтүрүлгөндүгүн, партиялашы - парламенттин мүчөсү Жусупжан Жээнбековду эмне үчүн уюмдан кетүүгө мажбурлагандыгын ачыктады.
23-июлда Конституциялык Сот И. Исаков жана Э. Каптагаевдин арызын карап, аны канааттандырды. Арыздануучулар Конституцияга ылайык акыркы чечимди Жогорку Сот гана чыгара алат, ал эми экинчи инстанциядагы соттордун даттанууга болбойт деген акыркы чечимдери мыйзамсыз экенин аныктап берүүнү суранышкан.
Президент Курманбек Бакиев бүгүн Таласка барып, “Манас-Ордо” комплексинде шайлоочулар менен жолугушту. БЭКтин атынан президентикке талапкер болуп чыккан А. Атамбаевдин сүрөтү тартылган футболкаларды кийип жүргөн ондогон адамды милиция жолугушууга жолотпой, колдорун кайрып кармап кетишти.
ЕККУнун Бишкек кеңсесинин өкүлү Миклош Харашти Кыргызстандын тышкы иштер министри Кадырбек Сарбаевге кат жолдоп, анда журналисттерге кол салуулар президенттик шайлоо алдында ойлордун эркиндигин чектейт деп билдирди. Ал ошондой эле бийликти мындай чектөөлөрдү жоюу чараларын көрүүгө чакырган. Буга байланыштуу "Азаттык" кол салууга кабылган журналисттердин бири Абдувахаб Мониевди маектешүүгө чакырды.
Петровкадагы башаламандыктын уюштуруучулары катары камакка алынышкан “Болуш” бирикмесинин жетекчиси Сапар Аргынбаев, “Жашылдар” партиясынын төрагасы Эркин Бөлөкбаев жана Чүйдөгү жергиликтүү лидерлердин бири Уран Рыскуловдун туугандары бүгүн кайрадан нааразылык акциясына чыгышты.
БШК шайлоонун ачык жана калыс өтүшү үчүн бардык аракеттер көрүлүп жатканын билдирүүдө. Ошол эле учурда айрым талапкерлердин өкүлдөрү бийлик кысып, куугунтуктап жатканын айта башташты.
Шайлоого бир айдан ашыгыраак убакыт калды. 18-июндан баштап талапкерлер үгүт иштерин жүргүзүүгө киришет. БЭК бирдиктүү талапкери Алмазбек Атамбаевдин жер-жерлердеги штабдарына кысым көрсөтүлүп жаткандыгын айтып, коңгуроо кагууда. Шайлоо өнөктүгү маалында бирдиктүү оппозиция туш болгон кыйынчылыктар жөнүндө аталган кыймылдын басма сөз катчысы Жоомарт Сапарбаев билдирет.
Дагы жүктөңүз
