"Азаттыктын" Прага шаарындагы кеңсесинин кызматкери, "Азаттык+" телепрограммасынын мурунку алып баруучусу. Кыргыз-Орус (Славян) университетин аяктаган.
АКШ менен Борбор Азия алакасында “жаңы доор” башталдыбы? Ак үйдө президент Трамп Борбор Азиянын беш лидери менен жолукту. Саммитте чөлкөмдүн айрым өлкөлөрү менен миллиарддаган доллар келишимдер түзүлдү. Трамп менен Жапаровдун бетме-бет кездешкени кыргыз-америка алакасынын өнүгүшүнө өбөлгө болобу?
6-ноябрда Вашингтондо АКШ президенти Дональд Трамп С5+1 форматындагы саммит өткөрдү. Ага Казакстандын, Кыргызстандын, Тажикстандын, Түркмөнстандын жана Өзбекстандын президенттери катышты. Саммит Борбор Азия өлкөлөрүнүн өнүгүүсү үчүн кандай өбөлгө болуп берет деген талкуу башталды.
Улуттук коопсуздук комитетинин төрагасы Камчыбек Ташиев Орусиянын Кыргызстандагы элчиси Сергей Вакуновду кабыл алганы кабарланды. Алар Ошто “жалданмачылыкка” шек саналып кармалган төрт адам тууралуу сөз кылганы маалым болду.
“Россотрудничествонун” башчысы Евгений Примаков Оштогу “Орус үйүнүн” кызматкери, “жалданмачылыкка” шек саналып кармалган кыргыз жараны Наталья Секеринаны бошотуп алышарын, бул окуянын жыйынтыгы жагымсыз болорун айтты. Орусиянын бул эскертүүсү эмнени билдирет?
Украинада кайрадан кандуу чабуул. Зеленский Крымдын оккупациясын тааныбай турганын билдиргенден соң Лондондогу башкы жыйын да өтпөй калды. Вашингтондун тынчтык планы четке кагылдыбы?
Орусиядагы кыргызстандыктар сабалган мончону иштеткен үч адамга кылмыш иши козголду. Алар мыйзамсыз миграция уюштурду деп айыпталууда.
Москвада негизинен кыргызстандыктар барган мончого полиция өкүлдөрү кирип барып, ичиндегилерди себебин түшүндөрбөстөн туш келди уруп-сабап, кыйноого алганы тууралуу кабарлар тарады. Кыргызстандын Тышкы иштер министрлиги окуя териштирилип жатканын билдирди.
Өзбекстандын Самарканд шаарында жогорку деңгээлдеги алгачкы Евробиримдик-Борбор Азия саммити өттү. Ага шаркеттин жана чөлкөмдөгү беш мамлекеттин, анын ичинде Кыргызстандын лидерлери катышты.
Өзбекстандын Самарканд шаарында өткөн Европа Биримдиги–Борбор Азия саммитинин келечеги барбы? Чөлкөм, анын ичинде Кыргызстан андан кандай пайда көрүшү мүмкүн? Тышкы саясатта бул кызматташуу Кытайдын жана Орусиянын кызганычын ойготпойбу?
Орусиянын Украинадагы согушун токтотуу боюнча дипломатиялык аракеттер көрүлүп жатканы менен азырынча майнап чыга элек. Мунун себеби эмнеде? Вашингтон менен Киевдин ортосундагы сейрек кездешүүчү минералдар тууралуу келишимге кол коюлбай жатканына эмне тоскоол?
Сирияда өкмөттүк күчтөр менен бийликтен кулатылган президент Башар Асаддын тарапташтырынын төрт күнгө созулган кагылышуусунан миңдей киши набыт болду. Бул тууралуу укук коргоочулар тобу кабарлашты.
Дүйнөнү дүң кылган кайым айтыштан кийин америка лидери Трамп менен украин президенти Зеленский кайра тил табышкандай болду. АКШнын жардамы жок Украина орус армиясына канчалык туруштук берет? Европанын чама-чаркы кандай?
Жасалма интеллект жаңы глобалдык жарышты жаратты. Интеллект жагынан адамдан ашса ашып, бирок кем калышпаган америкалык чат-ботторду улай Кытай да өз программасын жарыялады.
ХАМАС (АКШ менен Евробиримдикте террордук деп таанылган) Израилге өткөрүп берген эки баланын энесинин сөөгү башканыкы болуп чыкты. Бул тууралуу туткундардын сөөктөрүнө соттук-медициналык экспертиза жасалгандан кийин Израил бийлиги билдирди.
ХАМАС радикал тобу Израилге өткөрүп берген эки баланын энесинин сөөгү башканыкы болуп чыкты. Бул тууралуу туткундардын сөөктөрү соттук-медициналык экспертизадан өткөрүлгөндөн кийин Израил бийлиги билдирди. Өкмөт башчы Биньямин Нетаньяху 21-февралда бул үчүн хамасчылардан өч аларын эскертти.
Орусияда мигранттардын банк карталары бөгөттөлө баштады. Кремлдин жаңы реестрине кирип калган мигранттар эмне кылышы керек? Орусияда мигранттарды тескеген жаңы режимдин кесепети кандай? Кыргыз бийлиги өз жарандарына кандай жардам бере алат?
АКШ президенти Дональд Трамп Орусиянын мамлекет башчысы Владимир Путин менен телефондон сүйлөшкөнүн билдирди. Бул тууралуу New York Post басылмасы жазды. Маалыматка караганда, эки лидер Украинадагы согушка чекит коюу маселесин талкуулашкан.
Орусиянын армиясы фронтто Покровск багытында чабуулдарын күчөттү. Орус күчтөрү Донецк облусундагы маанилүү байланыш борбору деп саналган шаарды жарым жылдан бери өз карамагына алуу аракетин көрүп келет. Ал арада Украинанын Одесса облусу дрон чабуулуна кабылды.
Украин армиясы Орусиядагы мунай заводго сокку урганын билдирди. 29-январга караган түнү Орусиянын кеминде жети облусу дрондордун жапырт чабуулуна кабылганы кабарланды.
Соңку бир сутка ичинде кытайлык DeepSeek компаниясынын чат-боту АКШ, Британия жана Кытайда эң көп көчүрүлгөн тиркеме болуп калды. Аны чыгарууга өтө аз каражат сарпталганы тууралуу маалымат бул багытта иш алып барган технологиялык компанияларды дүрбөлөңгө түшүрдү.
Дагы жүктөңүз
