"Азаттыктын" Прагадагы кеңсесинин кызматкери, журналист, саясат жана экономика тармактары боюнча адис. Кыргыз улуттук университетинин журналистика факультетин аяктаган.
Улуттар уюмунун Геноцид боюнча конвенциясы кабыл алынганына 9-декабрда туура алтымыш жыл толот. Мындан улам постсоветтик өлкөлөрдүн көбүндө коммунисттик доордун кайсыл бир улутка каршы багытталгандай көрүнгөн депортация, ачарчылык, тазалоо өңдүү көрүнүштөрү боюнча кызуу талкуулар жүрүүдө.
Европа комиссиясы экс-советтик алты республикага кызматташтык планын сунуш кылды. Анда Еврошаркеттин ири өлчөмдө каржылык жардам көргөзүүсү, кошумча каражат ажыратуусу каралган. Бирок пландын затына караганда аты эле улук эмеспи?
Дүйнөнүн жүздөй өлкөсүнүн өкүлдөрү Ослодо кластердик бомбага тыюу салууну караган келишимге кол койо баштады. Бирок алардын арасында бомбанын бул түрүн өндүрүүчү жана колдонуучу ири өлкөлөр жок. Мындай шартта эл аралык келишимди кабыл алуунун канчалык маңызы бар?
Быйыл жайдан бери эле дүйнөлүк базарда мунай баасы эки эсеге арзандады. Мамлекеттик кирешенин негизги бөлүгү кара майдан келген Орусиянын башкаруучу элитасы үчүн бул эмнени билдирет? Алар азыр бушайманга түшө баштадыбы?
Польшанын Познань шаарында климаттын өзгөрүшү боюнча Улуттар уюмунун конференциясы башталды. Эки аптага созулуучу бул жыйын -климаттын өзгөрүшүнө каршы глобалдык жаңы келишимдин шарттарын аныктоо боюнча аракеттердин кезектеги баскычы.
Өлкөнүн каржы жана ишкер борбору Мумбайдагы кандуу окуяларга байланыштуу коопсуздук тармагын тейлеген жетекчилер кызматтан чегинүүдө. Коомчулукта согушкерлер деп шектелгендер өлкөнүн каржы борборун тополоң-тозго оңой эле түшүргөнүнө нааразылык күч.
Индия Мумбай шаарында коопсуздук күчтөрү менен согушкерлердин үч күнгө созулган тирешүүсүнөн келтирилген зыянды аныктап жатат. Соңку расмий маалыматка караганда, андан 195 адам каза тапканы ырасталды.
Таиланддын өкмөтү өлкө башкааласы Бангкоктун демонстранттар ээлеп алган эки аэропортунда өзгөчө абал киргизди. Премьер-министри Сомчай Вонгсават теледен жасаган кайрылуусунда белгилегендей, полиция менен кээ бир аскер бөлүктөрү "экономикага эбейгесиз зыян" келтирип жаткан бул камалоону токтотуу аракетин көрмөкчү. Демонстранттар өкмөттүн отставкасын талап кылышууда.
Апта соңунда Ашхабадда Түркмөнстан, Азербайжан, Түркия президенттери жолугары күтүлүүдө. Анда энергия маселелери, анын ичинде Каспийдин газын Европага ташуу жолдору да талкууланчудай. Айрым байкоочулардын баамында, бул багыттагы долбоордо али чечиле элек нерселери көп.
Орус президенти Дмитрий Медведев Латын Америкадагы сапарын улантып, бүгүн Венесуэлага келет. Мунун алдында Венесуэлага Орусиянын аскерий кемелери жетти. Эки өлкөнүн президенттеринде тең Вашингтонго каңкуулоочу нерселер бар.
Казакстанда өкмөт антикризистик программасын жарыялады. Ага ылайык Улуттук кордон бөлүнүүчү 10 миллиард доллар акча беш багытта жумшалат. Айрым байкоочулар өкмөт чараны кечигүү менен көрүп жатканын белгилешүүдө.
Кошмо Штаттарда кезинде мусулман кайрымдуулук корлорунун эң ириси болгон уюмдун лидерлери палестиналык согушкерлерге каржылык колдоо көргөзгөнү үчүн айыптуу деп табылды.
АКШ менен түзүлгөн жана көптөн күтүлгөн коопсуздук келишимине Ирактын парламенти ушул аптада добуш берери күтүлүүдө. Ирактын ички иштерине кийлигишүүгө аракеттенип жүрөт деп эсептелген коңшу Иран бул маанилүү келишимге карата кандай көз карашта?
Грузия 23-ноябрда Роза ыңкылабынын беш жылдыгын белгиледи. Ыңкылаптын аркасында өлкө эмнеге жетишти, эмнелер али жасала элек?
Түркмөнстандагы кырдаалдын президент алмашкандан кийинки абалы, жакындап калган парламенттик шайлоо Вашингтондо, АКШнын Хельсинки комиссиясындагы угууда талкууланды. Ага катышкан эксперттер жапырт белгилешкендей, декабрдагы шайлоо адилет жана ачык өтпөсү анык.
Чеченстандын борбору Грозныйда 90-жылдардагы эки согуштун изин кетирүүгө багытталган курулуш иштери күчөгөнүнө карабай, Орусия ал согуштун башкы мурастарын жоюу жаатында жетиштүү чара көрө элек. Маселен уруш учурунда өлгөндөрдүн ким экендигин аныктоо боюнча системалуу иш азырынча жүргүзүлбөй жатат. Ушул айда эле Москва Чеченстанга соттук–медициналык экспертиза жүргүзүүчү лабораторияны берүүдөн дагы бир ирээт баш тартты.
Кошмо штаттарда келерки жылдын 20-январында жаңы президент ишке киришет. Шайлоо жыйынтыгы чыккандан президент ант бергенге чейинки жетимиш күндөн ашуун убакыттын аралыгында бийликти тынч өткөрүүнүн буга чейин калыптанып калган салты кандай?
Грузия менен Орусиянын августагы согушунан кийин чогултулган далилдер адам укуктары жаатындагы жана гуманитардык мыйзамдарды эки тарап тең бузганын каңкуулоодо.
Талибдер ооган президентинин соңку сунушун да четке кагып, өлкөдөн чет элдик аскерлер кетмейинче эч кандай сүйлөшүүгө барбай турганын кайрадан билдиришти. Ооган президенти Хамид Карзай эгер талибдердин жолбашчысы молдо Омор тынчтык сүйлөшүүлөрүнө даяр экенин каңкууласа, анын коопсуздугу үчүн кепилдик берерин айтып чыккан эле. Карзай белгилегендей, мындай сунушка эл аралык коомчулук да макул болушу керек.
Адегенде камакка алынуу, андан кийин ур-токмокко жана кыйноого, кемсинтүүгө кириптер болуу - мунун баары өзбекстандык адам укугун коргоочу активисттердин жашоо-турмушу үчүн мүнөздүү көрүнүш. Бирок адам укугун коргоочулуктун азап-тозогуна карабай, алар өз ишмердигин улантып жатышат.
Дагы жүктөңүз
